សេអ៊ូល៖ យោធាកូរ៉េខាងត្បូងបានរាយការណ៍ឲ្យដឹងថា នាព្រឹកថ្ងៃអង្គារ ទី០៤ កាលពីប៉ុន្មានម៉ោងមុននេះ កូរ៉េខាងជើងទើបបានបាញ់មីស៊ីលផ្លោងមួយគ្រាប់ ដោយបាញ់ចេញពីតំបន់ភាគខាងលិច សំដៅទៅកាន់សមុទ្រជប៉ុន។ យោងតាមការចុះផ្សាយរបស់សារព័ត៌មាន Channel Asia។
ប្រភពដែលមានបញ្ជាក់ថា មីស៊ីលផ្លោងមិនស្គាល់អត្តសញ្ញាណខាងលើត្រូវបានបាញ់ចេញពីខេត្ត North Phyongan នៅជិតអាកាសយានដ្ឋាន Banghyon កូរ៉េខាងជើង ហើយបានធ្លាក់ចុះលើឆ្នេរសមុទ្រជប៉ុន ដោយការបំផ្ទុះអាវុធលើកនេះ គឺធ្វើឡើងបន្ទាប់ពីរដ្ឋាភិបាលអាមេរិក និងកូរ៉េខាងត្បូងគំរាមប្រឈមមុខយោធាទៅកាន់ទីក្រុងព្យុងយ៉ាង។
