កាលពីល្ងាចថ្ងៃទី ១៤ ខែកក្កដា ឆ្នាំ២០១៧ នៅភ្នំដិល ស្រុកបាធាយ ខេត្តកំពង់ចាម រឿងមិននឹកស្មានដល់ និងគួរឲ្យអាណិតអាសូរជាពន់ពេក មួយបានកើតឡើង ដោយក្មេងប្រុសម្នាក់អាយុប្រមាណ៥ឆ្នាំ បានស្លាប់ក្នុងថ្ងៃធ្វើខួបកំណើត ហើយថ្ងៃខួបក៏បានក្លាយជាថ្ងៃបុណ្យសពវិញ គួរឲ្យសង្វេគមែនទែន។
បើយោងតាមការបង្ហោះសារ និងរូបភាព ពីម្ចាស់គណនីហ្វេសប៊ុកឈ្មោះ Soeun Chanlina ដែលត្រូវជាម្ដាយមីងកុមាររងគ្រោះបានឲ្យដឹងថា នាងមកចូលរួមខួបកំណើតក្មួយ មិនមែនមកបុណ្យសពទេ តាមពិតថ្ងៃនេះគឺជាថ្ងៃខួបកំណើតរបស់បងប្រុសកុមាររងគ្រោះទេ តែឪពុកម្ដាយក៏រៀបចំធ្វើរួមគ្នាតែម្ដង។ ខណៈដែលឪពុកម្ដាយរវល់ទទួលភ្ញៀវអត់បានមើល ក៏ត្រូវឡានក្រុងបុកស្លាប់យ៉ាងអាណោចអាធ័ម។
ដោយសារនោះប្អូនស្រីបានសរសរថា « ពិតជាពិបាកទទួលយកខ្លាំងណាស់ក្មួយសំលាញ់ » « ហេតុអីទៅក្មួយ ហេតុអីទៅ មីងមកខួបកំណើតបងប្រុសរបស់ក្មួយ មិនមែនមកបុណ្យសពក្មួយទេ ហេតុអីក្មួយឆាប់ទៅចោលយើងទាំងអស់ម៉េស ក្មួយចេះណាស់ ក្មួយឆ្លាតណាស់»។
ជារឿងមួយចៃដន្យបំផុត ដែលកំពុងតែធ្វើខួបកំណើត បែជាស្លាប់ទៅវិញ។ សូមចូលរួមរំលែកទុកដ៌ក្រៀមក្រំនេះ។សូមក្មួយទៅកាន់សុខគតិភព កើតជាតិក្រោយកុំអោយដូចជាតិនេះ៕
