សិល្បៈ ៖ ក្រោយពីបានជួបគូជីវិតបុរសអាណិកជនខ្មែរកាណាដាឈ្មោះ តិច សុងលី ជាអ្នកធ្វើការប្រធានផ្នែកនៅភោជនីយដ្ឋាន Migaza ដោយបានចុះសំបុត្រអាពាហ៍ពិពាហ៍កាលពីថ្ងៃទី១៥កក្កដាមក តារាចម្រៀងកញ្ញា រស់ ម៉ូនីកា ក៏បានប្រាប់ថា នាងនឹងរៀបការក្នុងពេលដ៏ឆាប់ខាងមុខនេះគឺរៀបការបែបប្រពៃណីខ្មែរនៅប្រទេសកាណាដា ដែលធ្វើឡើងនៅក្នុងភោជនីយដ្ឋានខាងលើតែម្ដង។
កញ្ញាបន្តថា កម្មវិធីនេះនាង និងគូអនាគតមានគម្រោងហៅភ្ញៀវប្រមាណជា៣០ទៅ ៤០តុ ទេ ព្រោះនាងត្រូវវិលមករៀបការនៅស្រុកខ្មែរម្ដងទៀតនៅក្នុងខែសីហាខាងមុខនេះបន្ថែមទៀត ហើយពេលនោះទើបនាងធ្វើពិធីនេះឲ្យធំដុំហៅមិត្តភ័ក្ដិ និងសាច់ញាតិមកចូលរួមឲ្យបានច្រើនតែម្ដង។
គួរបញ្ជាក់ដែរថា មុននឹងងតារាចម្រៀងកញ្ញា រស់ ម៉ូនីកា បានសម្រេចចិត្តទទួលយកលោក តិច សុងលី ធ្វើជាគូជីវិត គឺនាងបានស្គាល់ នឹងសិក្សាចិត្តគ្នាអស់រយៈពេល៧ខែមកហើយ ពោលគឺតាំងពីនាងចេញទៅសម្ដែងនៅប្រទេសកាណាដានៅថ្ងៃទី៣១ខែធ្នូឆ្នាំ២០១៦មកម្ល៉េះ ហើយក្រោយពេលចុះសំបុត្រអាពាហ៍ពិពាហ៍នេះកញ្ញាក៏បានបញ្ជាក់ថា លោក តិច សុងលី ជាបុរសល្អស្រឡាញ់នាងស្មោះ និងឲ្យតម្លៃនាងខ្លាំង៕
