ចក្រភពអង់គ្លេស បានស្នើឲ្យបណ្ដាលប្រទេស ដែលផលិតអាវុធប្រល័យលោកទាំងអស់ គួរតែគោរពតាមច្បាប់អន្តរជាតិ។ នេះបើយោងតាមគេហទំព័រសារព័ត៌មាន Sputnik បានចុះផ្សាយនាព្រឹកថ្ងៃព្រហស្បតិ៍ ទី២៧ ខែកក្កដា ឆ្នាំ២០១៧។
អគ្គនាយកប្រតិបត្តិការនុយក្លេអ៊ែររបស់ចក្រភពអង់គ្លេសលោក Commons-Paul Burke បានថ្លែងនៅក្នុងសន្និសីទស្ដីពីការគំរាមកំហែងឈ្មោះ STRATCOM នៅក្នុងរដ្ឋ Nebraska សហរដ្ឋអាមេរិក កាលពីម្សិលមិញថា "រាល់អាវុធល្បឿនលឿនជាងសម្លេង គួរតែស្ថិតនៅក្រោមបទដ្ឋានអន្តរជាតិ និងបទបញ្ញត្តិមួយចំនួន ដែលបានចែង"។ លោកក៏បានកត់សម្គាល់ផងដែរថា ទីក្រុងឡុងដ៍កំពុងតែព្យាយាមធ្វើតាមមហាអំណាចរុស្ស៊ី ខណៈដែរមិនទាន់មានសមត្ថភាពក្នុងការអភិវឌ្ឍប្រព័ន្ធផ្ទាល់ខ្លួននៅឡើយ។
គួរបញ្ជាក់ផងដែរថា ប្រទេសអង់គ្លេស នឹងពិនិត្យមើលឡើងវិញនូវអ្វី ដែលខ្លួនកំពុងតែព្យាយាមធ្វើ និងឆ្លើយតបតាមរយៈការគោរពច្បាប់ និងសន្ធិសញ្ញាអន្តរជាតិផងដែរ៕
