វិមានក្រឹមឡាំងបានឲ្យដឹងថា ការបញ្ជាទិញរថក្រោះស៊េរីទំនើបម៉ាក់ T-90 ជាច្រើនគ្រឿងរបស់អុីរ៉ាក់ពីប្រទេសរុស្ស៊ីនោះ កងកម្លាំងអុីរ៉ាក់នឹងទទួលបាននៅពេលឆាប់ៗនេះ ទៅតាមកិច្ចសន្យារួមគ្នាដែលបានធ្វើកន្លងទៅ។ នេះបើយោងតាមការចុះផ្សាយដោយសារព័ត៌មាន RT នៅថ្ងៃព្រហស្បតិ៍ ទី២០ ឆ្នាំ២០១៧។
ក្នុងកិច្ចព្រមព្រៀងលក់រថក្រោះធុនថ្មីនេះ ប្រធានាធិបតីរុស្ស៊ីបានផ្តល់ជំនួយមួយចំនួនបន្ថែមទៀតមានដូចជា សម្ភារៈយោធា និងយុទ្ធសាស្ត្រយោធា ក្នុងការធ្វើកិច្ចសហប្រតិបត្តិការជាដើម។ ជាមួយគ្នានេះដែរ ក្រុមហ៊ុនផលិតគ្រឿងសព្វាវុធ រុស្ស៊ី Uralvagonzavod បានបង្ហើបថា ឆ្នាំ២០១៧ រថក្រោះចំនួន ៧៣គ្រឿង នឹងត្រូវលក់ទៅឲ្យប្រទេសអុីរ៉ង់ ដែលមានតម្លៃជាង ១ពាន់លានដុល្លារ។
