គេហទំព័រកីឡាករធំជាងគេមួយរបស់ពិភពលោក FourfourTwo បានធ្វើការសិក្សា និងជ្រើសរើសកីឡាករនៅតំបន់អាស៊ាន១០នាក់ ដែលលេងក្នុងតំបន់ហើយព្យាយាមបង្កើតការចាប់អារម្មណ៍ ទៅក្នុងបាល់ទាត់ពិភពលោក។ តាមគេហទំព័រខាងលើកីឡាករ១០នាក់ខាងក្រោមគួរតែលេងនៅលីកធំៗក្នុងពិភពលោកពីព្រោះលេងនៅលីកបច្ចុប្បន្នល្អពេកហើយ។
ខណៈពេល ដែលការអភិវឌ្ឍន៍បាល់ទាត់បានរីករាលដាលស្ទើរតែពេញតំបន់អាស៊ីអាគ្នេយ៍ ពិសេសវៀតណាម និងថៃកំពុងតែបង្កើតកីឡាករវ័យក្មេងមានទេពកោសល្យ ហើយសង្ឃឹមថាពួកគេជាគ្រាប់ពេជ្រដែលអាចទទួលជោគជ័យនៅក្រៅប្រទេសដោយសារមានពេលវេលាច្រើន។
ពិសេសជាងនេះ FFT បាននិយាយថាកីឡាករវ័យក្មេងនៅតំបន់អាស៊ាន មានគុណភាពមិនអន់ជាងកីឡាករលេងក្នុងលីកល្បីៗនោះទេ ប៉ុន្តែដោយសារកង្វះខាត និងឧបសគ្គមួយចំនួន។ FourFourTwo បានជ្រើសរើសកីឡាករ១០រូប ដែលលេងក្នុងតំបន់ល្អបំផុតមានកម្រិតខ្ពស់មិននឹកស្មានដល់ ហើយគួរតែផ្សងព្រេងរកកន្លែងណាមួយដែលល្អជាងនេះបន្ថែមទៀត។
ក្នុងចំណោម១០នាក់នេះខ្សែការពារជម្រើសជាតិកម្ពុជា និងក្លឹបព្រះខ័នរាជស្វាយរៀង ណុប តុលា គឺជាកីឡាករម្នាក់ដែលមានទម្រង់លេងល្អបំផុតក្នុងតំបន់។
ឈ្មោះ៖ ណុប តុលា
ប្រទេស៖ កម្ពុជា
ក្លឹបបច្ចុប្បន្ន៖ស្វាយរៀងអេហ្វស៊ី
តួនាទី៖ ការពារ/ប្រយុទ្ធ
អតីតគ្រូបង្វឹកជម្រើសជាតិកម្ពុជាលោក Lee Tae-hoon បាននិយាយច្បាស់ៗក្នុងគេហទំព័រ FourfourTwo ក្នុងព្រឹត្តិការណ៍ AFF Suzuki Cup កាលពីថ្មី២នេះៗថា គាត់មានអារម្មណ៍ដឹងថាយ៉ាងហោចណាស់ ក៏មានកីឡាករ៣ទៅ៤នាក់ដែលមានសមត្ថភាពទៅលេងនៅអឺរ៉ុប ហើយកីឡាករវ័យ២០អាចលេងក្នុងតំបន់ការពារ និងប្រយុទ្ធផងរូបនេះមានសមត្ថភាពខ្ពស់ជាងគេ។
ដោយសារកម្រិតIQខ្ពស់ក្នុងការលេងបាល់ បានធ្វើឲ្យកីឡាកររូបនេះ អាចយល់ច្បាស់ក្នុងការលេង ការពារផង ប្រយុទ្ធផងដែលនេះគឺជាលក្ខណៈ ពិសេសរបស់ តុលា។ អនុប្រធានក្រុមរបស់ក្រុមព្រះខ័នរាជស្វាយរៀង ពិតជាមានទេពកោសល្យក្នុងផ្សងព្រេងនៅទីឆ្ងាយប្រសិនបើមានឱកាស។
ក្រៅពីកីឡាករខាងលើនៅមាន៩នាក់ទៀតដែលលេងល្អបំផុត៖
១-KAWIN THAMSATCHANAN (ថៃ)អ្នកចាំទី
២ -HASSAN SUNNY (សិង្ហបុរី)អ្នកចាំទី
៣-TEERATHON BUNMATHAN (ថៃ) ខ្សែការពារ
៤-VU VAN THANH (វៀតណាម)ខ្សែការពារ)
៥- TRISTAN DO (ថៃ)ខ្សែការពារ)
៦- NUB TOLA (កម្ពុជា) ការពារប្រយុទ្ធ
៧-HARISS HARUN (សិង្ហបុរី)ខ្សែបម្រើ
៨-POKKLAW ANAN (ថៃ)បម្រើ
៩-AUNG THU មីយ៉ាន់ម៉ា(ប្រយុទ្ធ)
១០-TEERASIL DANGDA (ថៃ)ប្រយុទ្ធ
