បទចម្រៀង "សិស្សថ្នាក់ទី១០" គឺជាបទថ្មីចេញនៅក្នុងផលិតកម្ម Wonderfilm Cambodia ច្រៀងដោយកញ្ញា លីងលីង។ ចម្រៀងមួយបទនេះបានចេញFull Audio ច្រើនខែមកហើយ ទើបតែចេញ MV ក្នុងពេលថ្មីៗ ហើយសាច់រឿងក្នុងវីដេអូនេះបានបង្កប់អត្ថន័យខ្លាំងដល់យុវវ័យ ជាពិសេសសិស្សានុសិស្សរៀនថ្នាក់វិទ្យាល័យ ដែលជាវ័យកំពុងភ្លើតភ្លើននឹងរឿងស្នេហា ខ្វះការពិចារណាខ្ពស់។
MV ថ្មីនេះបានរៀបរៀងឡើងដោយផ្ដោតពីសាច់រឿងយុវនារីពីររូប ដែលកំពុងសិក្សាថ្នាក់ទី១០ តែពួកគេបានលង់ខ្លួនភ្លើតភ្លើននឹងរឿងស្នេហា ចូលចិត្តដើរលេង ចូលខារ៉ាអូខេ ហើយគេក៏ចាញ់កល់មិត្តភ័ក្ដិប្រុស រហូតអស់ព្រហ្មចារី និងមានផ្ទៃពោះ ហើយលទ្ធផលចុងក្រោយគឺមានតែការស្ដាយក្រោយ ។ បើចង់ដឹងច្បាស់សូមទស្សនា MVបទ "សិស្សថ្នាក់ទី១០" របស់កញ្ញា លីងលីងទាំងអស់គ្នា៕
