រឿងតូច តែវាធំណាស់
+ រឿងគូស្រករ
មិនមែន 1+1=2
តែវាគឺ 0.5+0.5=1
- អេតាស៊ីវិលមិនមែនជាខ្សែចំណងសំរាប់ចងរិតនរណាម្នាក់នោះទេ ប៉ុន្តែវាប្រៀបដូចត្រាដែលបោះសំរាប់ឱ្យម្នាក់ទៀតកាន់តែមានភាពកក់ក្តៅ និងមានភាពជឿជាក់រវាងគ្នានិងគ្នាតែប៉ុណ្ណោះ។
- មនុស្សពីរនាក់ប្រើជីវិតរួមគ្នា មិនមែនលក់ជីវិតខ្លួនឯងទៅឱ្យម្នាក់ទៀតនោះទេ ប៉ុន្តែវាគឺជាការយកចិត្តទុកដាក់ ដឹងទុក្ខដឹងធុរៈគ្នា និងចេះមើលថែគ្នាទៅវិញទៅមក។
- រូបមន្តនៃការផ្សំផ្គុំនៃគូជីវិត គឺការចេះគិតចេះយោគយល់ ចេះលើកលែងជាគោល ស្រលាញ់ដើម្បីស្រលាញ់ កុំស្រលាញ់យកមកដើម្បីគ្រប់គ្រងបញ្ជា ព្រោះអ្នកដែលគិតថាចង់គ្រប់គ្រងគេនោះហើយ នឹងធ្លាក់ទៅក្នុងរណ្តៅទុក្ខ។
+ រឿងលុយកាក់
រកខ្លួនឯងចាយខ្លួនឯងស្រួលចិត្ត
អ្នកផ្សេងជាអ្នករកយើងជាអ្នកចាំចាយយ៉ាងណាក៏វាមិនស្រួលចិត្តដែរ
អ្នកណាក៏ស្រលាញ់លុយដែរ តែកុំដោយសារតែលុយលែងស្គាល់ខុសលែងស្គាល់ត្រូវ
អ្នកណាក៏ចង់មានចង់បានដែរ ប៉ុន្តែកុំដោយសារភាពលោភលន់បានភាពជាមនុស្ស
+ ផ្ទះទោះតូចទោះធំក៏មិនជាថ្វី ព្រោះអ្វីដែលត្រូវការពិតប្រាកដគឺ ការជជែក ការលេងសើច និងសំណើចដែលសើចក្អាកក្អាយនៅក្នុងផ្ទះ នោះទើបហៅថាសេចក្តីសុខ។
+ យានជំនិះទោះជិះសេរីចាស់ឬទំនើបថ្មីក៏មិនជារឿងថ្វី ព្រោះអ្វីដែលត្រូវការពិតប្រាកដគឺធ្វើដំណើរដល់គោលដៅដោយសុវត្ថិភាពនោះគឺជាគុណបុណ្យហើយ
+ មានហូបមានប្រើបើបានដោយមិនបៀតបៀនកេងប្រវ័ញ្ចគេទោះទៅដល់ទីណាក៏សប្បាយចិត្ត
+ ក្រក៏ស្លាប់ មានក៏ស្លាប់ សុខភាពរឹងមាំគឺជាដើមទុនមិនសាបសូន្យ
+ ដំណើរជីវិត
ឧបសគ្គ គឺជាមេរៀនសំរាប់ពិសោធន៍ខ្លួនឯង
ការលំបាក គឺជាបទពិសោធន៍
ទោះជាមានឧបសគ្គ និងក្តីលំបាកច្រើនយ៉ាងណាក្តីអ្វី
ដែលត្រូវចាំទុកគឺ កុំបាក់ទឹកចិត្ត កុំអស់សង្ឃឹម កុំរាថយ
កុំបណ្តោយឱ្យភាពជោគជ័យនាថ្ងៃខាងមុខរងចាំយូរ ៕
អត្ថបទដោយ ៖ព្រះចន្ទ-La Lune
For my dearest brother