រាជធានីភ្នំពេញ៖ រថយន្តថ្មីដែលជាជំនួយរបស់ចិន ផ្ដល់ជូនរដ្ឋបាលរាជធានីភ្នំពេញ កាលពីដើមខែកក្កដា ឆ្នាំ២០១៧នោះ នឹងចាប់ផ្ដើមប្រតិបត្តិការបម្រើសេវាដឹកជញ្ជូនសាធារណៈជូនប្រជាពលរដ្ឋឲ្យថ្ងៃទី ០១ ខែសីហា ឆ្នាំ២០១៧ស្អែកនេះ។
បើតាមមន្ត្រីរដ្ឋាករស្វយ័តដឹកជញ្ជូនសាធារណៈរថយន្តក្រុង- City BUS បានប្រាប់ ខេឃ្យូប ព្រឹកមិញថា រថយន្តក្រុងថ្មី ដែលរដ្ឋបាលរាជធានីភ្នំពេញទទួលបានកាលពីថ្ងៃទី១៣ ខែកក្កដានោះ នឹង ចាប់ផ្តើមរត់ជាលើកដំបូងហើយ នៅថ្ងៃទី ០១ ខែសីហា ឆ្នាំ២០១៧ស្អែកនេះ ប៉ុន្តែនឹងមិនមែនដំណើរលើតម្រាយផ្លូវថ្មីនោះទេ ដោយតម្រាយផ្លូវថ្មីនៅ គឺស្ថិតនៅដំណាក់ការសិក្សានៅឡើយ។
ប្រភពដដែលបន្តថា ក្នុងចំណោមរថយន្តក្រុងថ្មីទាំង ១០០គ្រឿងនោះ នឹងទៅរត់នៅតម្រាយផ្លូវ ៣ខ្សែពីមុខ ដោយខ្លះត្រូវទៅជំនួសរថយន្តក្រុងចាស់ខូចទ្រុឌទ្រោម ដែលមានស្រាប់ ៥៧គ្រឿង។ នៅក្នុងដំណើររត់នោះទៀតសោត ក្នុងមួយតម្រាយផ្លូវ១ខ្សែ មានរថយន្តក្រុង ២០គ្រឿង ហើយរត់តាមម៉ោងនិងពេលដដែល (ចាប់ពីម៉ោង ៥:៣០នាទីព្រឹក- ៨:៣០យប់)។
គួររម្លឹកផងដែរថា រថយន្តបន្ថែម ១០០គ្រឿងនេះ គ្រោងនឹងដាក់ឲ្យដំណើរការលើខ្សែរត់ថ្មីចំនួន៦ខ្សែបន្ថែម សំដៅធ្វើឱ្យការបម្រើសេវាដឹកជញ្ជូនសាធារណៈជូនបងប្អូនកាន់តែប្រសើរ ទាន់ពេលវេលា និងកាន់តែច្រើនគោលដៅ ហើយកាលម្សិលមិញ ក្រុមការងារ (City Bus ) បានធ្វើការដុតដៃដុតជើងទាំងថ្ងៃទាំងយប់ ដើម្បី LED ប្រព័ន្ធ GPS កឹមស្លាកលេខ បិតSticker និងLogo រដ្ឋាករជាដើម៕
