មានហេតុការណ៍រអិលធ្លាក់រថយន្តក្រុងដឹកអ្នកធម្មយាត្រា ហិណ្ឌូ ចូលទៅក្នុងជ្រោះ នៅក្នុងជ្រលងភ្នំ Kashmir ប្រទេស ឥណ្ឌា ដែលមានមនុស្សស្លាប់ និងរងរបួសជាច្រើននាក់។ នេះបើយោងតាមគេហទំព័រសារព័ត៌មាន CNN បានចុះផ្សាយនាព្រឹកថ្ងៃច័ន្ទ ទី១៧ ខែកក្កដា ឆ្នាំ២០១៧។
ក្នុងហេតុការណ៍ខាងលើកើតឡើង នៅលើផ្លូវជាតិ Jammu-Srinagar ក្បែរជ្រលងភ្នំ Kashmir ភាគអាគ្នេយ៍ទីក្រុង Srinagar ប្រទេស ឥណ្ឌា ដែលបានសម្លាប់មនុស្សចំនួន ១៦នាក់ និង២៩នាក់ផ្សេងទៀតរងរបួសយ៉ាងធ្ងន់ធ្ងរ។
នាយករដ្ឋមន្ត្រីឥណ្ឌា លោក Narendra Modi បានប្រកាសនូវក្នុងកម្មវិធី twitter ឲ្យដឹងថា ជនរងគ្រោះដល់អាយុជីវិត រដ្ឋាភិបាលនឹងផ្ដល់ថវិកាចំនួន ៣ពាន់ដុល្លារ ចំណែកឯអ្នករងរបួសធ្ងន់ធ្ងរ នឹងទទួលបានថវិកាចំនួន ៧៧៨ដុល្លារ ផងដែរ៕
