អ្នកចាំទីក្លឹប Real Madrid កីឡាករ Keylor Navas បាននិយាយថា មិត្តរួមក្រុមបច្ចុប្បន្ននេះ ល្អគ្រប់គ្រាន់ហើយសម្រាប់រូបគេ ហើយថែមទាំងបញ្ជាក់ថា ក្លឹបមិនចាំបាច់ស៊ីញេកុងត្រាយក Lionel Messi មកជំនួសនរណាម្នាក់ឡើយ។
រូបគេបាននិយាយថា រូបនឹងបដិសេធឱកាសដែល Real Madrid ចុះកុងត្រាយកកំពូលខ្សែប្រយុទ្ធជម្រើសជាតិអាហ្សង់ទីន ។ ភាពវៃឆ្លាតរបស់ Messi នៅ Barcelona បានជួយក្រុមមកពីទឹកដី Catalan ឈ្នះពានក្នុងស្រុកជាច្រើនក្នុងប្រទេសអេស្ប៉ាញ ខណៈពានលំដាប់អឺរ៉ុបក៏ទទួលបានច្រើនផងដែរ។ បែបនេះក្ដី Navas បានគិតថាកីឡាករវ័យ៣០ឆ្នាំមិនសូវជាល្អដូច ជា Cristiano Ronaldo, Gareth Bale ឬ Karim Benzema ។
ពេលសួរថាតើលោកនឹងចង់បាន Messi សម្រាប់ Real Madrid ដែរឬទេ? រូបគេបាននិយាយក្នុងកាសែតMARCA ថា៖" គាត់ជាកីឡាករអស្ចារ្យម្នាក់ ប៉ុន្តែមិត្តរួមក្រុមរបស់ខ្ញុំ ក៏កាន់តែអស្ចារ្យដូចគ្នា។ ដូច្នេះហើយមិនចាំបាច់ទេ។"
Navas គឺជាកីឡាករម្នាក់លេងក្នុងតំបន់លេខ១របស់ Real Madrid ក្នុងពាន Champions League និង La liga កាលពីរដូវកាលមុន រហូតដល់ឈ្នះពានទាំងពីរនេះយ៉ាងជោគជ័យ៕
ប្រភព៖ dailymail
