ខ្សែប្រយុទ្ធជម្រើសជាតិប្រេស៊ីល Neymar កំពុងបង្ហាញអាការៈមិនសប្បាយចិត្តជាមួយនឹងជីវិតនៅ Barcelona ហើយបានបើកភ្លៀងខៀវឲ្យ Man Utd ដាក់សំណើក្រោយមានដំណឹងបិសាចក្រហមចង់បានគាត់។
កីឡាករវ័យ២៥ឆ្នាំ មានស្ថានភាពហាក់ដូចមិនសូវល្អក្រោមការដឹកនាំរបស់ Luiz Enrigue កាលពីរដូវកាលមុនហើយហើយមានទំនាក់ទំនងផ្ទេរមកលេងនៅ Old Trafford។ អ្នកចាត់ការក្លឹបបិសាចក្រហមលោក Jose Mourinho បាននិយាយកាលពីដើមឆ្នាំនេះថា វាមានបញ្ហាច្រើនណាស់បើចង់បានឲ្យ Neymar ចុះកុងត្រាជាមួយយើង ប៉ុន្តែ Man Utd ពិតជាចាប់អារម្មណ៍ចង់បានខ្សែប្រយុទ្ធរូបនេះ មិនតែត្រឹមតែឆ្នាំនេះទេគឺចាប់តាំងពី២ឆ្នាំមុនមកម្ល៉េះ។
តាមប្រភព Daily Record, Neymar មានការធុញទ្រាន់ជាមួយនឹងជីវិតរបស់ក្នុងទឹកដី Catalan ហើយបានលើកទឹកចិត្តឲ្យ United ដាក់សំណើម្ដងទៀត។ ខណៈពេលដែលដឹងថាអន្ទងខ្សែប្រយុទ្ធរូបនេះ មកលេងនៅ Man Utd មានការពិបា កក្លឹបអង់គ្លេសមួយនេះហាក់មិនទាន់បញ្ចេញប្រតិកម្មអ្វីឡើយ។ Victor Lindelof គឺជាកីឡាករតែម្នាក់គត់ដែល The Red Devils ទិញបានសម្រេចហើយក្រៅពីនេះគ្រាន់ព័ត៌មានចចាមអារ៉ាមតែប៉ុណ្ណោះ។ Alvaro Morataនិង Ivan Perisic គឺជាខ្សែប្រយុទ្ធដែលមានភាគរយខ្ពស់មកលេងនៅ Man Utd ដែរ។
Jose បានបង្ហាញការមិនសប្បាយចិត្ត ដែលក្លឹបមិនស្ទុះស្ទាក្នុងការរកទិញកីឡាករថ្មីៗចូល បើនិយាយទៅគ្រាន់តែចាប់អារម្មណ៍ហើយធ្វើបែបមិនចង់ទិញ ដែលនេះជាការខ្ជះខ្ជាយពេលវេលាយ៉ាងធំធេង។ គ្រូបង្វឹកសញ្ជាតិព័រទុយហ្គាល់ចង់បានសម្រេចក្នុងការទិញកីឡាករមុនធ្វើដំណើរទៅប្រកួតមិត្តភាពនៅអាមេរិក៕
