Cristiano Ronaldo មិនចង់ឃើញ Kylian Mbappe មកចូលរួមជាមួយ Real Madrid ទេ ដោយសារតែរូបគេព្រួយបារម្ភខ្លាចបាត់បង់ប្រជាប្រិយភាព Super Star និងដំណែងកីឡាករកំពូលនៅអេស្ប៉ាញ នេះបើតាមប្រភពដើម Diario Gol។
ក្រុមម្ចាស់ជើងឯក Champions League មានព័ត៌មានជាប់ទាក់ទងយ៉ាងជិតស្និទ ជាមួយយុវជនរបស់ Monaco ជាមួយនឹងព័ត៌មានចចាមអារ៉ាម នៃការចុះកុងត្រាក្នុងទឹកប្រាក់ដ៏មហាសាល ហើយកិច្ចព្រមព្រៀងក៏ខិតជិតនឹងបានសម្រេចផងដែរ។
បែបណាក្ដី! Ronaldo ត្រូវបានគេរាយការណ៍ថា ព្រួយបារម្ភពីការចែកចាយឥទ្ធិពលនៅក្លឹប ជាមួយ Mbappe នឹងធ្វើឲ្យឱកាសនៃការឈ្នះពានកីឡាករល្អបំផុតលើលោក Ballon d'Or កាន់តែពិបាក ហើយរូបគេក៏មិនចង់បាននរណាមកប្រជែងដំណែងបងធំនៅ Real Madrid នោះដែរ៕
