គ្រូបង្វឹកក្រុមតោខៀវលោក Antonio Conte បាននិយាយថា គាត់មិនចង់ដើរតាមគន្លងដឹកនាំរបស់អតីតគ្រូបង្វឹក Chelsea ពីររូបនេះគឺលោក Jose Mourinhoនិង Carlo Ancelotti នៅកីឡដ្ឋាន Stamford Bridge នោះទេ។
Jose Mourinho និង Carlo Ancelotti ធ្លាប់ត្រូវបាន Chelsea ដកចេញពីដំណែង ក្រោយពីជួយក្លឹបលើកពាន Premier League បានមួយឆ្នាំ។ ក្នុងករណីនេះ អតីតគ្រូបង្វឹកJuventus និងជម្រើសជាតិអ៊ីតាលី បាននិយាយក្នុងគេហទំព័រមួយថា៖" ខ្ញុំដឹងថាយើងនឹងប្រឈមជាមួយការពិបាកខ្លាំងនៅរដូវកាលថ្មី។ កាលពី២ឆ្នាំមុន ក្រុមបញ្ចប់លេខ១០ក្នុងតារាង ហើយយើងមិនចង់ឲ្យកើតឡើងម្ដងទៀតទេ។ គ្រូបង្វឹក២រូប(Mourinho និង Ancelotti)ត្រូវបានដេញចេញ បន្ទាប់ពួកគាត់ជួយក្លឹបលើកពានបានមួយឆ្នាំ។ ហើយខ្ញុំមិនចង់មានសភាពដូចនេះម្ដងទៀតទេ។"
“ ពួកយើងបានការធ្ងន់ណាស់ ហើយខ្ញុំសង្ឃឹមថា នឹងអាចស្វែងរកដំណោះស្រាយក្នុងពេលអនាគត។យើងមានកីឡាករវ័យក្មេងល្អៗហើយនេះ គឺវាមានសារសំខាន់ណាស់ដើម្បីពង្រឹងពួកគេ"៕
លោក Antonio Conte ទើបតែជួយក្លឹបលើកពាន Premier League កាលពីរដូវកាលមុនហើយសម្រាប់រដូវកាលនេះគេមិនទាន់ដឹងថា អតីតគ្រូបង្វឹកជម្រើសជាតិអ៊ីតាលីរូបនេះ អាចនាំក្លឹបឈរក្នុងដំណែង Top 4, រក្សាដំណែងជើងឯក ឬក៏ធ្លាក់ទៅលំដាប់លេខប៉ុន្មាននោះទេ។
តើឆាកជីវិតជាគ្រូបង្វឹកមកដឹកនាំ Chelsea របស់គាត់ទៅជាយ៉ាងណា?
