(ព្រះសីហនុ)៖ ករណីគ្រោះថ្នាក់ចរាចរណ៍ដោយសារ បុរសជនជាតិចិនចេញពីខារ៉ាអូខេ ស្ថិតក្នុងស្ថានភាព ស្រវឹងស្រា ជោគជាំ បានបើករថយន្តបុករះចូលផ្ទះប្រជាពលរដ្ឋ បណ្ដាលឲ្យរងរបួសមនុស្ស២នាក់ និងខ្ទេចម៉ូតូ៩គ្រឿង រថយន្ដ១គ្រឿង ដែលកើតឡើងវេលាម៉ោង១០និង៥០នាទីយប់ ថ្ងៃទី១០ ខែកក្កដា ឆ្នាំ២០១៧នេះ លើផ្លូវ៧មករា ចំណុចជិតភោជនីយដ្ឋានសួនសុបិន្ត ស្ថិតនៅក្នុងភូមិ៤ សង្កាត់លេខ៤ ក្រុងព្រះសីហនុ។
គ្រោះថ្នាក់ចរាចរណ៍នេះ បង្កដោយរថយន្ត១គ្រឿង ម៉ាកLEXUS RX-300 បើកបរដោយបុរសជនជាតិចិន ឈ្មោះ លី សៀវម៉ីង អាយុ២៥ឆ្នាំ មុខរបរបុគ្គលិកកាស៊ីណូលើភ្នំ ដោយបើកចេញពីផឹកស៊ីនៅខារ៉ាអូខេ លុះដល់ចំណុចខាងលើក៏បានបុកចូលផ្ទះប្រជាពលរដ្ឋ ដែលនៅក្បែរផ្លូវបណ្ដាលឲ្យរងរបួសមនុស្សចំនួន២នាក់ ខូចខាតម៉ូតូចំនួន៩គ្រឿង រថយន្ត១គ្រឿង និងសម្ភារៈមួយចំនួនទៀត ៕
