រដ្ឋលេខាធិការសហរដ្ឋអាមេរិកលោក Rex Tillerson បានបញ្ជាក់ថា សហរដ្ឋអាមេរិកនឹងមិនស្វែងរកលេសទម្លាក់លោក គីម ជុងអ៊ុន ពីមេដឹកនាំរបស់កូរ៉េខាងជើងនោះទេ ទោះបីជាមានភាពតានតឹងកាន់តែខ្លាំងឡើងជុំវិញកម្មវិធីនុយក្លេអ៊ែររបស់ទីក្រុងព្យុងយ៉ាង និងការបាញ់មីស៊ីលថ្មីៗនេះក៏ដោយ។ នេះបើយោងតាមសារព័ត៌មាន អង់គ្លេស (express) បានចុះផ្សាយនាព្រឹកថ្ងៃពុធ ទី០២ ខែកក្កដា ឆ្នាំ២០១៧។
លោកបានថ្លែងទៅកាន់អ្នកផ្ដាច់ការកូរ៉េខាងជើងឲ្យដឹងថា "យើងមិនមែនជាសត្រូវរបស់អ្នកទេ ហើយក៏មិនស្វែងរកការផ្លាស់ប្ដូររបប ការបង្រួបបង្រួមឧបទ្វីបឡើងវិញ និងរកលេស ដើម្បីបញ្ជូនយោធារបស់យើង ឲ្យទៅតំបន់មានជម្លោះរវាងប្រទេសកូរ៉េទាំងពីរនោះដែរ"។
ជុំវិញសេចក្ដីបញ្ជាក់ខាងលើ អ្នកនាំពាក្យក្រសួងការបរទេសកូរ៉េខាងជើង បានប្រកាសតាមប្រព័ន្ធផ្សព្វផ្សាយខ្លួនថា "ប្រសិនបើសហរដ្ឋអាមេរិក ហ៊ានបង្ហាញសញ្ញានៃការប៉ុនប៉ងដកអ្នកដឹកនាំកំពូល ទីក្រុងព្យុងយ៉ាង យើងនឹងបង្ហាញឲ្យទីក្រុងវ៉ាស៊ីនតោន ឃើញនៅគ្រាប់នុយក្លេអ៊ែរដ៏ខ្លាំងក្លាជាច្រើន ដែលកំពុងត្រៀមបាញ់កម្ទេចអាមេរិកតែម្ដង"៕
