បុរសកម្សត់ស្លូតបូតជាពលករកូរ៉េម្នាក់ ត្រូវបានអ្នកប្រើប្រាស់បណ្ដាញសង្គមហ្វេសប៊ុកជាច្រើន បង្ហាញក្ដីអាណិតអាសូរពន់ពេក ពេលដឹងថា គាត់ត្រូវបានប្រពន្ធបោកប្រាស់យកផ្ទះបុរីដែលគាត់ទិញឲ្យទៅស៊ីដាច់ម្នាក់ឯង។
ហេតុអ្វីមិនអាណិតប្តី!!!! ប្តីខំធ្វើការនៅប្រទេសកូរ៉េ ទាំងធ្លាក់ឈាមតាមច្រមុះ ឈឺមិនហ៊ានទៅពេទ្យ សុីអត់សុីឃ្លាន សន្សំលុយផ្ញើរអោយប្រពន្ធទិញផ្ទះ ប្រពន្ធលួចលក់ផ្ទះយកលុយរត់បាត់…
ជាប្ដីក្រីក្រកំព្រាឪពុកតាំងពីតូច រស់នៅស៊ីអត់ស៊ីឃ្លានពីរម្នាក់ម្ដាយកូន នៅម្ដុំព្រែកព្នៅ ជាយក្រុងភ្នំពេញ តែលោកបានខិតខំរៀនរហូតប្រលងជាប់ធ្វើជាពលករកូរ៉េ និងមានរយៈពេលជិត ៥ឆ្នាំហើយ។ លោករៀបរាប់ថា ដោយសារតែស្រលាញ់ និងទុកចិត្តប្រពន្ធ ខ្លួនសុខចិត្តចេញមុខទិញបុរីបង់រំលោះក្នុងតម្លៃប្រមាណ ៤៩ ០០០ ដុល្លា ដោយដាក់តែឈ្មោះប្រពន្ធម្នាក់ឯងប៉ុណ្ណោះ ព្រោះគិតថាគង់តែរួមជាប្ដីប្រពន្ធគ្នាដដែល បែរជាប្រពន្ធធ្វើឲ្យខ្លួនក្អួតឈាម។ លោកបន្តថា លោកបានមកលេងខ្មែរដើម្បីឲ្យដឹងដំណើររឿងដើមទងជាច្រើនថ្ងៃហើយ ហើយ ៥ថ្ងៃចុងក្រោយនេះ មិនដែលបានហូបបាយទេ ព្រោះឆ្អែតចិត្តពេក។
យោងតាមគណនីហ្វេសប៊ុកឈ្មោះ មេរៀន ជីវិត បានរៀបរាប់ពីរឿងវ៉ាវរបស់ពលករខ្មែរ ដែលគាត់ខំសន្សំលុយផ្ញើរអោយប្រពន្ធទិញផ្ទះនៅបុរីវិមានភ្នំពេញ នឹងដាក់ឈ្មោះប្រពន្ធដោយគិតថាជាគ្រួសារតែមួយ ប៉ុន្តែរឿងដែលនឹកស្មានមិនដល់។ ខាងក្រោមជាការរៀបរាប់របស់គាត់ដែលបានផុសជាសាធារណៈ ដោយសរសេរថា៖
(គ្មានរឿងអីត្រូវខ្មាសគេទៀតទេ)គឺគាត់បានលួចលក់ផ្ទះដែលខ្ញុំខំរកលុយនៅកូរ៉េផ្ញើរមកអោយគាត់ទិញផ្ទះនៅ សុខចិត្តលំបាកខ្លួនឯងអោយតែប្រពន្ធកូនមានផ្ទះល្អនៅ តែមនុស្សគ្មានកំណើត លក់ផ្ទះយកលុយអោយម៉ែឪខ្លួនឯងអស់ ហើយរត់បាត់ គ្មានអាណិតប្តីធ្វើការនៅកូរ៉េជិត៥ឆ្នាំគ្មានសល់លុយ១០០ ហើយសូម្បីតែលុយខ្ចីម៉ែខ្ញុំ២០០០$ ក៏មិនសងយកអោយម៉ែឪខ្លួនឯងអស់ ហើយថាខ្លួនត្រូវទៀត ខ្ញុំទុកចិត្តមនុស្សខុសហើយ ទិញផ្ទះសុខចិត្តដាក់ឈ្មោះប្រពន្ធតែម្នាក់ឯង នឹកឃើញថាប្រពន្ធយើងហើយមិនអីទេ សូម្បីតែឈ្មោះម៉ែខ្ញុំក៏មិនដាក់ដែរ តែលូវខ្ញុំមើលមនុស្សខុស
ជិវិតពលករកំសត់ ខំធ្វើការនៅប្រទេសកូរ៉េទាំងធ្លាក់ឈាម ឈឺមិនហ៊ានទៅពេទ្យ សុីអត់សុីឃ្លាន សន្សំលុយផ្ញើរអោយប្រពន្ធទិញផ្ទះ ប្រពន្ធលួចលក់ផ្ទះយកលុយរត់បាត់ គាត់កំពុងខូចចិត្ត សូមបងប្អូនជួយផ្តល់កម្លាំងចិត្តផង អរគុណ
ខំប្រឹងរកលុយឈឺម្តងៗគ្មានលុយទៅពេទ្យទេខ្ចីលុយគេរាល់ពេល ទីបំផុតគេយកលុយរត់អស់
