ថ្មីៗនេះតារាចម្រៀង ថោន កញ្ញា ស៊ូ ស៊ីរីកា បានបង្កើតមុខរបរលក់នំអន្សមតាម អនឡាញ ដែលកំពុងទទួលបានការគាំទ្រពីសំណាក់ទស្សនិកជនទូទាំងប្រទេស ដែលជួយឲ្យនាងកាក់កបគួរសម។ ដោយឡែកពេលនេះកញ្ញា និរត្តន៍ ម្នាក់ទៀតហើយ ដែលបានបង្កើតមុខរបររកស៊ីប្លែកៗលក់ គីមឈី តាមអនឡាញ ដែលកំពុងមានការគាំទ្រពីFanទូទាំងប្រទេស។
កញ្ញា និរត្តន៍ បានប្រាប់ថា របរថ្មីនេះនាងមិនបានចំណាយទុនច្រើនទេ តែវាអាចជួយឲ្យនាងរកចំណូលបានបន្ថែមលើអាជីពសិល្បៈផងដែរ។ កញ្ញាបន្តថា គីមឈី ដែលនាងលក់មិនបានកុម្ម៉ង់ពីអ្នកផ្សេង ឬពីក្រៅស្រុកអីទេ គឺជាស្នាដៃរបស់នាងធ្វើដោយផ្ទាល់តែម្ដង។
ម្ចាស់បទ "កុលាបពុលដី" រូបនេះបន្តថា ជំនាញធ្វើ គីមឈី គឺនាងចេះធ្វើពីអ្នកមីងម្នាក់គាត់មានជំនាញធ្វើ គីមឈី នៅប្រទេសកូរ៉េ ហើយ នាងក៏បានកែច្នៃវិធីធ្វើដោយខ្លួនឯងបន្ថែម គឺរស់ជាតិជាខ្មែរ ដែលធ្វើឲ្យអតិថិជនក្នុងស្រុកបានភ្លក់ហើយជាប់ចិត្តតែងកុម្ម៉ង់ទិញបន្ថែម។ កញ្ញាបន្ថែមថា ពេលនេះ គីមឈី របស់នាងកំពុងលក់ដាច់ខ្លាំងតាម អនឡាញ ដែលមានអ្នកអតិថិជនទូទាំងប្រទេស កុម៉្មងទិញ រហូតដល់ប៉ោយប៉ែត សៀមរាប រតនគិរី មណ្ឌលគិរី រួមនឹងខេត្តជាច្រើនទៀត។
តារាស្រីសម្បុរស្រអែមបន្តថា សម្រាប់តម្លៃគឺមិនថ្លៃទេ ក្នុងមួយប្រអប់ត្រឹមតែមួយម៉ឺនរៀលទេ លោកអ្នកអាចបានភ្លក់រសជាតិ គីមឈី ដែលជាស្នាដៃរបស់នាងផ្ទាល់តែម្ដង ហើយអ្នកកុម្ម៉ង់ទិញ គឺអាចផ្ញើសារក្នុងហ្វេសប៊ុកនាងបានគ្រប់ពេល ឈ្មោះ Ni Rath Town ៕
