កូឡាឡាំពួរ៖ វេទិកាដឹកនាំដោយអតីតនាយករដ្ឋមន្ត្រីម៉ាឡេស៊ីលោក Mahathir Mohamad ដែលកំពុងស្វែងរកដំណោះស្រាយនៃការបណ្ដេញចេញពីរដ្ឋាភិបាល បានធ្លាក់ចូលទៅក្នុងអំពើហិង្សា នៅថ្ងៃអាទិត្យមុន នៅពេលដែលអ្នកចូលរួមប្រមាណ ២ពាន់នាក់ បោះស្បែកជើង និងកៅអី។ យោងតាមសារព័ត៌មាន channelnewsasia បានចុះផ្សាយនាព្រឹកថ្ងៃច័ន្ទ ទី១៤ ខែសីហា ឆ្នាំ២០១៧។
អ្នករៀបចំកម្មវិធី Syed Saddiq Syed Abdul Rahman បានប្រាប់ឲ្យដឹងថា កិច្ចប្រជុំមួយ នៅទីក្រុង Shah Alam ត្រូវបានគេផ្ដោតទៅលើរឿងអាស្រូវផ្នែកហិរញ្ញវត្ថុដ៏ធំមួយ ដែលបានធ្វើឲ្យលោកនាយករដ្ឋមន្ត្រីបច្ចុប្បន្ន លោក Najib Razak ជំរុញឲ្យអតីតនាយករដ្ឋមន្ត្រីលោក Mahathir អាយុ៩២ឆ្នាំចូលនិវត្តន៍ ដើម្បីការពាររូបគាត់។
លោក Mahathir ដែលជានាយករដ្ឋមន្ត្រីកាន់អំណាចពីឆ្នាំ១៩៨១ ដល់ឆ្នាំ២០០៣ បានធ្វើឲ្យលោក Najib ខឹងយ៉ាងខ្លាំងជុំវិញការចោទប្រកាន់ថា បានលួចពីមូលនិធិវិនិយោគរបស់រដ្ឋ ប្រមាណរាប់ពាន់លានដុល្លារ នៅក្នុងយុទ្ធនាការក្លែងបន្លំមួយ។
គួរបញ្ជាក់ផងដែរថា មិនដឹងច្បាស់ថា តើនរណានៅពីក្រោយអំពើហិង្សានោះទេ ប៉ុន្តែវាបានបង្ហាញថា ភាពតានតឹងផ្នែកនយោបាយកំពុងតែកើនឡើងមុនការបោះឆ្នោត ដែលលោក Najib ត្រូវហៅមកត្រឹមពាក់កណ្ដាលឆ្នាំ២០១៨ ហើយថា លោក Mahathir ត្រូវបានចាត់ទុកជាការគំរាមកំហែងដ៏ខ្លាំង៕
