ខេត្តព្រះសីហនុ៖ រដ្ឋមន្ត្រីក្រសួងសាធារណការ បានសង្កត់ធ្ងន់ដល់មន្ត្រីទើបប្រឡងជាប់របស់ខ្លួនថា មន្ត្រីកម្មសិក្សាការីទាំងអស់ត្រូវបំពេញការងារប្រកបដោយភាពភាពស្អាតស្អំ មិនត្រូវប្រកាន់បក្សពួកនិយម និងយកតួនាទីរបស់ខ្លួនមកធ្វើជាអាជីវកម្ម ដើម្បីបង្កើតប្រាក់ចំណូលអ្វីឡើយ គឺត្រូវតែផ្ដល់សេវាសាធារណៈឱ្យល្អ មានតម្លាភាព និងឆាប់រហ័ស ជូនដល់ប្រជាពលរដ្ឋ។
ការលើកឡើងរបស់លោករដ្ឋមន្ត្រី ស៊ុន ចាន់ថុល បែបនេះ បានថ្លែងក្នុងពិធីបើកវគ្គបណ្តុះបណ្តាលដំបូង ដល់មន្ត្រីទើបប្រឡងជាប់ចំនួន ១៤៩នាក់ នៅកំពង់ផែស្វយ័តក្រុងភ្នំពេញថ្ងៃ នាថ្ងៃទី១៤ ខែសីហានេះ។
ជាមួយគ្នានោះ លោករដ្ឋមន្ត្រី ក៏បានផ្ដាំផ្ញើដល់មន្ត្រីកម្មសិក្សាទាំងអស់ឱ្យខិតខំប្រឹងប្រែងរៀនសូត្រឲ្យមានចំណេះដឹង និងចំណេះធ្វើដើម្បីយកទៅបម្រើការតាមអង្គភាពរៀងៗខ្លួន និងរួមចំណែកដល់ការអភិវឌ្ឍប្រទេសជាតិមាតុភូមិរបស់យើងឲ្យមានការរីកចម្រើនថែមមួយកម្រិតទៀត។ រូបថត៖ ក្រសួងសាធារណការ
