កូរ៉េខាងជើង បានបញ្ចេញរូបថតដែលបង្ហាញពីការអភិវឌ្ឍមីស៊ីល Pukguksong-3 ដែលជាមីស៊ីលផ្លោង និងកាំជ្រួចមីស៊ីល Hwasong ដែលជាមីស៊ីលរយៈចម្ងាយឆ្ងាយដ៏ទទួលបានជោគជ័យដំបូងរបស់ទីក្រុងព្យុងយ៉ាង។ នេះបើយោងតាមគេហទំព័រសារព័ត៌មាន sputnik បានចុះផ្សាយនាព្រឹកថ្ងៃព្រហស្បតិ៍ ទី២៤ ខែសីហា ឆ្នាំ២០១៧។
មេដឹកនាំកំពូលកូរ៉េខាងជើងលោក គីម ជុងអ៊ុន បានធ្វើដំណើរទៅកាន់វិទ្យាស្ថានវត្ថុធាតុគីមី នៃបណ្ឌិតសភាវិទ្យាសាស្ត្រការពារជាតិ ដែលត្រូវគេរាយការណ៍ថា មាននាទីទទួលបន្ទុកលើការផលិតម៉ាស៊ីនគ្រាប់រ៉ុកកែត-មីស៊ីល និងក្បាលគ្រាប់សម្រាប់បំពាក់នៅលើនោះ ប៉ុន្តែកាលបរិច្ឆេទនៃការចុះទស្សនកិច្ចនេះ ពុំទាន់បញ្ជាក់ពេលវេលាច្បាស់លាស់នៅឡើយទេ។
អ្នកស្រាវជ្រាវជាន់ខ្ពស់របស់វិទ្យាស្ថានគោលនយោបាយវិទ្យាសាស្ត្រ និងបច្ចេកវិទ្យាលោក Lee Choon-geun បានប្រាប់ឲ្យដឹងថា កូរ៉េខាងជើងកំពុងព្យាយាមកសាងរថយន្ត និងអភិវឌ្ឍមីស៊ីលដែលបាញ់ចេញពីនាវាមុជទឹក SLBM ដោយផ្អែកលើបច្ចេកវិទ្យាសេរីថ្មី។
គួរបញ្ជាក់ផងដែរថា អ្នកនាំពាក្យក្រសួងបង្រួបបង្រួមរបស់កូរ៉េខាងត្បូងលោក Baik Tae-hyun បាននិយាយថា "មានការព្រួយបារម្ភថាសមត្ថភាពនុយក្លេអ៊ែរ និងមីស៊ីលរបស់កូរ៉េខាងជើង កំពុងស្ថិតនៅជិតកម្រិតនៃបន្ទាត់ក្រហម"៕
