ម៉ាឡេស៊ីកំពុងរក្សាដំណែងកំពូលតារាងមេដាយក្រោយធ្វើបានល្អក្នុងព្រឹត្តិការណ៍ SEA Games លើកទី២៩នេះ ប៉ុន្តែអ្វីដែលគួឬឲ្យអាម៉ាស់សម្រាប់ម្ចាស់ផ្ទះមួយនេះ គឺដាក់ទងជាតិខុសឈ្មោះប្រទេសដល់ទៅ៨ក្នុងចំណោម១១នៅអាស៊ានផ្សាយតាមទូរទស្សន៍។
ពេលនេះពួកគេទទួលបានមេដយមាស៦៤គ្រឿង ច្រើនជាងក្រុមលេខ២វៀតណាម និងលេខ៣សិង្ហបុរីដល់ទៅ២ដង។ អញ្ចឹងក៏ដោយ បញ្ហានៅតែកើតមានសម្រាប់ម្ចាស់ផ្ទះមួយនេះ ដោយបានដាក់ទងជាតិខុសឈ្មោះប្រទេសធ្វើឲ្យអ្នកគាំទ្រកីឡា និងប្រជាជនក្នុងតំបន់អាស៊ានដែលមើលកម្មវិធីផ្សាយមេដាយនេះ ប្រតិកម្ម និងបាញ់ម៉ាឡេស៊ីចុកៗតែម្ដង។
វៀតណាមទទួលបានទងជាតិសិង្ហបុរី ឯងសិង្ហបុរីបានទទួលទង់ជាតិថៃ ថៃបានទងជាតិឥណ្ឌូណេស៊ី ហើយឥណ្ឌូណេស៊ីទៅជាទង់ជាតិវៀតណាមវិញ។ ហ្វីលីពីនក្លាយជាមីយ៉ាន់ម៉ា ហើយមីយ៉ាន់ម៉ាទៅជាហ្វីលីពីន ឡាវទង់ជាតិកម្ពុជា ហើយកម្ពុជាទង់ជាតិឡាវខណៈម៉ាឡេស៊ី ប្រុយណេ និងទីម័រត្រឹមត្រូវ។
នេះជាលើកដំបូងហើយ ដែលម្ចាស់ផ្ទះបានដាក់ខុសទង់ជាតិហើយមានមតិខ្លះថា ម៉ាឡេស៊ីគួរតែទៅរៀនភូមិវិទ្យាឡើងវិញ មុនធ្វើម្ចាស់ផ្ទះព្រឹត្តិការណ៍កីឡាណាមួយ។ បែបណាក្ដី! វេបសាយក្នុងស្រុកនៅឥណ្ឌូណេស៊ីច្រឡំទង់ជាតិ កូស្ការីកាជាមួយនឹងថៃ ក្នុងការប្រកាសពីកីឡារស៊ីហ្គេមលើកទី២៩នេះ៕
ប្រភព៖ mothership.sg
