គ្រូបង្វឹកក្រុមកាំភ្លើងធំលោក Arsene Wenger បានសន្និដ្ឋានថា Manchester United មិនអាចនឹងឈ្នះChampions League ក្នុងរដូវកាលនេះទេ ទោះបីជាធ្លាប់បានឈ្នះពាន Europa League រដូវកាលក៏ដោយចុះ។
ក្រុមរបស់លោក Jose Mourinho បញ្ចប់លេខ៦ក្នុងតារាង Premier League រដូវកាលមុន ប៉ុន្តែក្នុងនាមជាជើងឯកពានលំដាប់ទី២របស់ទ្វីបអឺរ៉ុប Europa League ដោយយកឈ្នះ Ajax នៅវគ្គផ្ដាច់ព្រ័ត្រ២ទល់០ធ្វើឲ្យក្រុមមួយនេះបានកៅអីលេង Champions Leagueដែលជាពានលំដាប់ទី១របស់ក្លឹបអាជីពនៅអឺរ៉ុបយ៉ាងរំភើយ។
ចំណែកក្រុម Arsenal បានកៅអី Europa League សម្រាប់រដូវកាលនេះ ក្រោយបញ្ចប់ចំណាត់ថ្នាក់លេខ៥ក្នុង League ពីលើ Red Devils។ លោក Wenger នឹងបង្វែរក្រុមកីឡាកររបស់ខ្លួនក្នុងពាននេះផងដែរប៉ុន្តែលោកបាននិយាយថា ម្ចាស់ពានដូចជាManchester United មិនគួរចូលលេងនៅ Champions League ទេ។
“ខ្ញុំតែងតែប្រឆាំងជាមួយនឹងវាដោយសារតែមួយផ្នែកពី Man Utd តើនរណាជាអ្នកឈ្នះ Europa League ?។ អ្នកមិនអាចលេងក្នុង Champions Leagueរដូវកាលនេះ ដោយសារតែជាម្ចាស់ជើងឯក Europa League។ អ្នកមិនមានភាគរយខ្ពស់ឈ្នះពាន Champions League ទេ"។
លោកបានបន្តថា៖ “ ប្រសិនបើក្រុមមួយ ឈរក្នុងចំណាត់ថ្នាក់បានលេង Europa League ហើយមានការប្រកួតក្នុងលីកផង ពួកគេមិនអាចផ្ដោតនិងយកចិត្តទុកដាក់គ្រប់គ្រាន់ដើម្បីឈ្នះពាននោះទេ គឺវាតែងតែកើតឡើងក្នុងការប្រកួតបាល់ទាត់។ ជារឿយៗខ្ញុំតែងតែលេងជាមួយក្រុមដែលមានឱកាសល្អ ឈ្នះការប្រកួតបន្ទាប់។ ក្នុងពាន Europa League ប្រសិនបើយើងអាចប្រឹងប្រែង ហើយពេលខ្លះទុកកីឡាករឲ្យសម្រាក នោះយើងនឹងអាចធ្វើបាន។ ប៉ុន្តែយើងត្រូវតែសម្របទៅនឹងកម្រិតនៃការប្រកួតហើយដំបូងគេមើលលើក្រុមដែលយើងត្រូវជួប"៕
