រដ្ឋមន្ត្រីការបរទេសអ៊ីរ៉ង់លោក Javad Zarif បានប្រាប់ឲ្យដឹងថា ប្រទេសអ៊ីរ៉ង់ មាន ជម្រើសច្រើនក្នុងការដើរចេញពីកិច្ចព្រមព្រៀងនុយក្លេអ៊ែរឆ្នាំ២០១៥ និងការបង្កើនកម្មវិធីនុយក្លេអ៊ែរ ក្នុងល្បឿនលឿនជាងមុន ប្រសិនបើលោកប្រធានាធិបតីអាមេរិក ដូណាល់ ត្រាំ បកស្រាយអំពីកតិកាសញ្ញានេះ។ បើយោងតាមគេហទំព័រសារព័ត៌មាន រុស្ស៊ី (RT) បានចុះផ្សាយនាព្រឹកថ្ងៃច័ន្ទ ទី២៥ ខែកញ្ញា ឆ្នាំ២០១៧។
លោក Zarif បាននិយាយនៅក្នុងបទសម្ភាសន៍ជាមួយអ្នកកាសែតលោក Fareed Zakaria នៅក្នុងទូរទស្សន៍ CNN កាលពីម្សិលមិញថា "ប្រទេសអ៊ីរ៉ង់ មានជម្រើសជាច្រើន ដែលរួមទាំងការដើរចេញពីកិច្ចព្រមព្រៀង និងការវិលត្រឡប់មកវិញ ដោយល្បឿនលឿនជាមួយនឹងកម្មវិធីនុយក្លេអ៊ែរនេះ"។ លោករដ្ឋមន្ត្រី បានសង្កត់ធ្ងន់ថា កម្មវិធីនុយក្លេអ៊ែររបស់អ៊ីរ៉ង់ នឹងនៅតែមានសន្តិភាព ប៉ុន្តែមិនមានដំណោះស្រាយដែលអាចទទួលយកនោះទេ។
គួររម្លឹកផងដែរថា កិច្ចព្រមព្រៀងនុយក្លេអ៊ែរ ដែលទទួលស្គាល់ជាទូទៅថា ជាផែនការរួមគ្នា (JCPOA) ត្រូវបានវាយតម្លៃជាថ្មីរាល់ ៩០ថ្ងៃ ដើម្បីបោះឆ្នោតលើការដាក់ទណ្ឌកម្មឡើងវិញ ដែលត្រូវបានលើកយកកិច្ចព្រមព្រៀងជាថ្នូរនឹងរដ្ឋាភិបាលក្រុងតេអេរ៉ង់ ដែលកំណត់កម្មវិធីនុយក្លេអ៊ែរ៕
