ប្រធានាធិបតីអាមេរិកលោក ដូណាល់ ត្រាំ បានហាមឃាត់ ឬដាក់កម្រិតទិដ្ឋាការធ្វើដំណើរទៅអាមេរិកពីប្រទេសមួយចំនួនថែមទៀត។ នេះយោងតាមគេហទំព័រសារព័ត៌មាន Sputnik បានចុះផ្សាយនាព្រឹកថ្ងៃច័ន្ទ ទី២៥ ខែកញ្ញា ឆ្នាំ២០១៧។
បទបញ្ជាថ្មីនេះ ដាក់កម្រិតលើប្រទេសទាំង ០៨ ដែលលោក ត្រាំ បានចុះបញ្ជីនៅក្នុងការហាមឃាត់មានដូចជា៖ ប្រទេសអ៊ីរ៉ង់ លីប៊ី សូម៉ាលី ស៊ីរី យេម៉ែន កូរ៉េខាងជើង ស៊ូដង់ វេណេហ្ស៊ុយអេឡា និងឆេក ដែលរឹតបន្តឹងការគាបសង្កត់ទៅលើភ្ញៀវទេសចរ និងជនអន្តោប្រវេសន៍ផងដែរ។
លោក ត្រាំ បានហាមឃាត់ការចេញទិដ្ឋាការទាំងអស់ពីប្រទេសកូរ៉េខាងជើង និងស៊ីរី ប៉ុន្តែសម្រាប់ប្រទេសអ៊ីរ៉ង់ លោកបានរារាំងទិដ្ឋាការទាំងអស់លើកលែងតែនិស្សិត និងភ្ញៀវទេសចរ។ សេចក្ដីសម្រេចប្រតិបត្តិថ្មីនេះក៏ព្យួរទិដ្ឋាការសម្រាប់មន្ត្រីរដ្ឋាភិបាលលើការធ្វើជំនួញ ឬទេសចរណ៍ពីជនអន្តោប្រវេសន៍វ៉េណេស៊ុយអេឡា និងសូម៉ាលី ផងដែរ។
គួរបញ្ជាក់ផងដែរថា ការពន្យារទិដ្ឋាការនឹងចាប់ផ្ដើមនៅថ្ងៃទី១៨ ខែតុលា សម្រាប់ប្រទេសឆេក កូរ៉េខាងជើង និងវេណេហ្ស៊ុយអេឡា ខណៈពេលដែលប្រទេស ០៥ ដែលនៅសេសសល់នឹងមានការលើកលែង ចំពោះការហាមឃាត់សមាជិកគ្រួសារជិតស្និទ្ធ៕
