ខេត្តបន្ទាយមានជ័យ៖ ស្លុតចិត្តណាស់ ដែលធ្លាប់តែឮថាពាក្យមួយឃ្លាថា សេះប្រាំបំបែកសាកសព ប៉ុន្តែនៅវេលាប្រមាណម៉ោង១១ព្រឹក ថ្ងៃទី១ ខែកញ្ញានេះ បានកើតឡើងស្ទើរតែដូចពាក្យខាងលើហើយ ដោយរថយន្តដឹកផាវមួយគ្រឿងបានជួបគ្រោះថ្នាក់ចរាចរណ៍ ផ្ទុះឆេះលាន់រន្ធះ ដែលបណ្តាលមនុស្ស២នាក់ស្លាប់ រកសាកសបមើលមិនយល់។
ប្រភពពីសមត្ថកិច្ចបានឲ្យដឹងថាករណីដ៏រន្ធត់នេះបានកើតឡើងនៅតាមបណ្តោយផ្លូវជាតិលេខ៥ ម្ដុំបត់ត្រង់ភូមិព្រែកល្ពៅ ឃុំ ឬស្សីក្រោក ស្រុកមណ្ឌលបុរី ដែលបង្កដោយ រថយន្តធុននីសាន់ ១បាំងកន្លះ ដឹកម៉ូតូចំនួន ៤ គ្រឿងនៅពីលើ។
លោកឧត្តមសេនីយ៍ត្រី ចាន់ តារ៉ា ស្នងការរងនគរបាលខេត្តបន្ទាយមានជ័យ បានបឲ្យដឹងថា ករណីផ្ទះរថយន្តរកឃើញសាកសព ២នាក់និងកន្លែងដែលស្គាល់មានទី១.ឈ្មោះ ញ៉ន វីរៈ ភេទប្រុស អាយុ ៣៥ឆ្នាំ(ម្ចាស់រថយន្តនិងអ្នកបើកបរ)ដែលមានប្រពន្ធឈ្មោះ ញ៉ឹង កញ្ញា អាយុ៣២ឆ្នាំ មានកូន៤នាក់រស់នៅភូមិ២ សង្កាត់ កំពង់ស្វាយ ក្រុងសិរីសោភ័ណ ទី២.ឈ្មោះ ព្រំ វីរៈ ភេទ ប្រុស អាយុ៤៣ឆ្នាំ (ជាព្រូ) រស់នៅភូមិ.ឃុំ បត់ត្រង់ ស្រុកមង្គលបូរី និងរបួសអ្នកដំណើរជិះម៉ូតូកង់បី ២នាក់ប្តីប្រពន្ធ។
ក្រោយពេលផ្ទុះកើតឡើងមានរថយន្តពន្លត់អគ្គីភ័យរបស់ស្នងការនគរបាលខេត្ត ២គ្រឿងបានពន្លត់ ហើយឃើញរកឃើញសាកសព២នាក់ដាច់ជាកំណាត់ខ្ទាតចេញពីគ្នាហើយរថយន្តបណ្តាលខ្ទិចទាំងស្រុង។ កណីផ្ទុះរថយន្តបណ្តាលស្លាប់២នាក់រកឃើញសាកសពនិងកន្លែងនេះ សមត្ថកិច្ចរកឃើញថា ជាករណីរថយន្តដឹកគ្រាប់ផាវបណ្តាលផ្ទុះឡើងបណ្តាលស្លាប់២នាក់ដាច់ជាច្រើនកំណាត់និងរបួសអ្នកជិះម៉ូតូកង់បី២នាក់ទៀតត្រូវបានបញ្ជូនទៅសង្គ្រោះបន្ទាន់៕
