ភ្នំពេញៈ កាន់តែមានរឿងតភាគទៀតហើយ ក្រោយពីមានគណនីហ្វេសប៊ុកមួយបានចូលមកលាតត្រដាងថានី មុន្នីនាថ បោកប្រាស់ចិត្តគូស្នេហ៍ហើយដោះដៃរលាស់ខ្លួនចោល។ ពេលនេះអតីតគូដណ្តឹងនាងថា ជារឿងពិតព្រមទាំងមានចំណាត់ការឡើងតុលាការទៀតផង។
លោក អុង សុឡាង ត្រូវជាអតីតគូដណ្ដឹង នី មុន្នីនាថ បានប្រាប់ថា ជារឿងពិតទាំងអស់មិនមែនប្រឌិត ឬលេងឆាកល្ខោនដើម្បីបំភាន់ភ្នែកមហាជននោះទេ។ ពេលនេះលោកបានត្រៀមមេធាវី ដាក់ពាក្យប្ដឹង មុន្នីនាថ រួចរាល់ហើយទៅកាន់តុលាការពីបទ "ឆបោក និងរំលោភលើសេចក្ដីទុកចិត្ត" រយៈពេលស្គាល់គ្នា៣ឆ្នាំនេះ។
ហួសចិត្តយ៉ាងខ្លាំង ដល់ខែ៨ ហើយគាត់បែរជាប្រាប់ខ្ញុំថា បងអូនអត់ចង់ទាន់ទៅរស់នៅអាមេរិកទេ អាចលើកទៅឆ្នាំក្រោយបានទេ? ពេលហ្នឹងខ្ញុំក៏បានសួរគាត់ហេតុអ្វីបានមិនចង់មករស់នៅជាមួយបង? គាត់ក៏ប្រាប់ខ្ញុំថា គាត់មិនអាចរស់នៅជាមួយខ្ញុំបានទេ ព្រោះខ្ញុំជាបុរសម្នាក់ដែលមិនចេះប្រើពាក្យផ្អែមល្ហែម និងពាក្យលួងលោម។ ចុះពីដំបូងហេតុអ្វីក៏គាត់មិនប្រាប់ខ្ញុំ។ ខ្ញុំគ្រាំគ្រាចិត្តខ្លាំងណាស់ពេលគាត់និយាយដូច្នេះ"។
ក្រោយពីមានការទម្លាយថា តារាសម្ដែងនី មុន្នីនាថ ដែលមានឈ្មោះដើមថា មុន្នីនាថ បោកលុយជាច្រើនម៉ឺនដុល្លារពីគូដណ្ដឹងនៅអាមេរិក ហើយមានការចុះផ្សាយព្រោងព្រាត នាងបែរជាមិនភ្ញាក់ផ្អើលនោះឡើយ។ នាងថាខ្លួននឹងចេញបកស្រាយ ប៉ុន្តែរង់ចាំអោយអ្នកទម្លាយរឿងរ៉ាងពីខ្លួននេះ បានសប្បាយចិត្តមួយរយៈសិន នោះនាងនឹងបកមុខវិញ។
កញ្ញានី មុន្នីនាថ បានអះអាងថា រូបនាងបានដឹងរួចហើយថា នឹងមានរឿងនោះ តែមកពីត្រូវការពេលវេលា និងភស្តុតាងវិញ ដើម្បីតបតទើបនាងប្រកាសថា មិនទាន់ចង់បកស្រាយ នឹងថាបន្តិចទៀតមហាជនពិតជាជ្រាបនូវអ្វីដែលបានកើតឡើង។ យោងតាមការបង្ហោះ គឺមានការចោទប្រកាន់ថា"តារាសម្តែង នី មន្នីនាថ ពិតជាពូកែសម្ដែងមែន កុំថាឡើយតែក្នុងខ្សែរភាពយន្ត សូម្បីតែក្រៅខ្សែរភាពយន្ត ក៏ពូកែដែលហេតុតែដើម្បីលុយ តារាសម្ដែងម្នាក់នេះ ប្រើល្បិចបោកប្រាស់ សាហាវបំផុត ដោយយកការភ្ជាប់ពាក្យជាមួយបុរសអនិកជនខ្មែរក្រៅប្រទេសម្នាក់នេះ ដើម្បីផ្តល់ទំនុកចិត្តអោយគូរដណ្តឹងម្នាក់នេះ ផ្តល់លុយឲ្យទិញឡានជិះ ទិញដី នឹងធ្វើផ្ទះឲ្យនាង ថែមទាំងទិញគ្រឿងអលង្ការ គ្រឿងពេជ្រមួយចំនួនធំថែមទៀផង។ ចុងក្រោយដល់ពេលសម្ភាសជាប់ ហើយធ្លាក់វីសារត្រូវទៅរស់នៅអាមេរិក នី មុន្នីនាថ បែរជាបរិសេធមិនទៅវិញ ថែមទាំងសុំផ្តាច់ពាក្យនឹងគូរដណ្តឹង។
ទង្វើរបស់ នី មុន្នីនាថ មិនត្រឹមតែមិនផ្តល់តម្លៃដល់ខ្លួនឯងនោះទេ ថែមទាំងធ្វើអោយអ្នកសិល្បៈ ដែលគេថ្លៃថ្នូរផ្សេងៗទៀត ត្រូវអាប់អោនដោយសារនាងតែម្នាក់គត់។ ហេតុដូចច្នេះសូមអនិកជនខ្មែរនៅក្រៅប្រទេសមួយចំនួន នឹងឧញ៉ាដែលនៅក្នុងស្រុកខ្មែរ បើមានទំនាក់ទំនងស្នេហ៍ ជាមួយតារាសម្ដែង នី មុន្នីនាថ ម្នាក់នេះ គួតែប្រុងប្រយ័ត្នឲ្យមែនទែន ដើម្បីកុំឲ្យចាញ់បោក ដូចអនិកជនខ្មែរដែលនៅក្នុងរូបភាពនេះ តទៅទៀត"។ ជានឹងការមិនភ្ញាក់ផ្អើលរបស់នាង ទើបអ្នកគាំទ្រនៅតែជឿជាក់ថា នាងមានហេតុផលគ្រប់គ្រាន់ក្នុងការផ្ដាច់ពាក្យ និងឆ្លើយតបទៅនឹងអ្វីដែលបានបង្ខូចឈ្មោះនេះ៕
