យន្តហោះចម្បាំងកូរ៉េខាងត្បូង បានសាកល្បងសមត្ថភាព និងប្រសិទ្ធភាពមីស៊ីលរបស់អាឡឺម៉ង់ និងស៊ុយអែត កាលពីព្រឹកម្សិលមិញ អំឡុងពេលប្រឈមមុខដាក់គ្នានៅឧបទ្វីបកូរ៉េ នៅតែបន្ត។ នេះបើយោងតាមគេហទំព័រសារព័ត៌មាន Sputnik បានចុះផ្សាយនាព្រឹកថ្ងៃព្រហស្បតិ៍ ទី១៤ ខែកញ្ញា ឆ្នាំ២០១៧។
សមយុទ្ធបាញ់គ្រាប់ពិត ត្រូវបានគេមើលឃើញថា ជាការបង្ហាញកម្លាំង ដើម្បីឆ្លើយតបទៅនឹងការសាកល្បងអាវុធនុយក្លេអ៊ែរ ចុងក្រោយរបស់ក្រុងព្យុងយ៉ាង នៅកន្លែងធ្វើតេស្តនុយក្លេអ៊ែរ Punninggye ri ក្នុងភាគខាងជើងសាធារណរដ្ឋប្រជាធិបតេយ្យប្រជាមានិតកូរ៉េ។ កាំជ្រួចមីស៊ីល KEPD 350 Taurus នឹងត្រូវបានប្រើនៅក្នុងព្រឹត្តិការណ៍ ដែលក្រុងសេអ៊ូល បានចាប់ផ្តើមការវាយប្រហារមុនគេបង្អស់លើកូរ៉េខាងជើង ដែលមេដឹកនាំរបស់ពួកគេ មិនបានគាំទ្រ បើទោះបីជាការបន្តការអំពាវនាវឲ្យបញ្ចប់កម្មវិធីមីស៊ីលផ្លោង និងកម្មវិធីអភិវឌ្ឍន៍នុយក្លេអ៊ែរ។
ទន្ទឹមនឹងនេះ នាយកនៃគម្រោងព័ត៌មាននុយក្លេអ៊ែរនៅសហព័ន្ធអ្នកវិទ្យាសាស្ត្រអាមេរិកលោក Hans Kristensenបាននិយាយថា ការធ្វើតេស្តគ្រាប់បែកអ៊ីដ្រូហ្សែន ដែលសង្ស័យថា បានធ្វើតេស្តផ្ទុះធំបំផុត ដែលកូរ៉េខាងជើង មិនដែលធ្លាប់បានធ្វើពីមុនមក៕
