លោក ឈុំ រតនា ដែលតារាចម្រៀងក្នុងផលិតកម្ម Rock បានលាចាកលោកយើងនេះ គ្មានថ្ងៃត្រលប់ កាលពីរាត្រីទៀបភ្លឺយប់ម្សិលមិញនេះហើយ វេលាម៉ោង ៣ និង១០នាទី ព្រឹក ថ្ងៃទី០៨ ខែតុលា ឆ្នាំ២០១៧ នៅមន្ទីរពេទ្យខ្មែរសូវៀត ។
អំឡុងពេលលោក ច្រៀងនៅផលិតកម្ម Rock មានបទជាច្រើនផងដែរ ដែលធ្វើឲ្យគេ បានស្គាល់លោក តាមរយៈបទ បទ «កាលីបអី» និង បទ «មោទនភាពជាតិខ្មែរ» ដែលច្រៀងរួមគ្នា ជាក្រុម អំឡុង ពេលដែល ផលិតកម្មនេះ រីកសុះសាយកេរ្តិ៍ឈ្មោះកាលពីកន្លងទៅនោះ។
ការចាកចេញ របស់តារាចម្រៀងប្រុសរូបនេះ បានធ្វើឲ្យអ្នកសិល្បៈរួមជំនាន់ជាច្រើនមានការ សោកស្ដាយ និងភ្ញាក់ផ្អើលជាខ្លាំង ដែលត្រូវបាត់បង់មិត្តដ៏ល្អភ្លាមៗទាំងបែបនេះ។
ទាក់ទងនឹងមូលហេតុនៃការស្លាប់ របស់លោក រតនា បើតាមប្អូនប្រុសរបស់គាត់ លោក ឈុំ រ៉ូបឺត បានបញ្ជាក់ប្រាប់ថា គាត់ស្លាប់ដោយសារជំងឺ រលាកសួត៕
