ប៉ូលិសអេស្ប៉ាញ បានប្រកាសថា មនុស្សជាច្រើនលាននាក់ បាននាំគ្នាធ្វើការប្រមូលផ្ដុំ តាមដងផ្លូវនៃទីក្រុងបាសេឡូណា បន្ទាប់ពីការធ្វើប្រជាមតិឯករាជ្យដ៏ចម្រូងចម្រាស កាលពីថ្ងៃអាទិត្យកន្លងមកនេះ។ បើយោងតាមគេហទំព័រសារព័ត៌មាន រុស្ស៊ី (RT) បានចុះផ្សាយនាព្រឹកថ្ងៃពុធ ទី០៤ ខែតុលា ឆ្នាំ២០១៧។
ប៉ូលិសក្រុងបាសេឡូណា បានប្រកាសនៅលើព័ត៌មានសង្គម Twitter ថា មនុស្ស ៧សែននាក់ បាន
ប្រមូលផ្ដុំគ្នា នៅខាងក្រៅការិយាល័យគណបក្សរបស់លោកនាយករដ្ឋមន្ត្រីអេស្ប៉ាញ Mariano Rajoy នាទីក្រុងបាសេឡូណា និងទីប្រជុំជនសំខាន់ៗ ដែលមន្ត្រីប៉ូលិស បានឈរការពារ។ ក្រុមអ្នកតវ៉ា បានស្រែក និងលើបដាពាក្យស្លោក ហើយព្រមទាំងគ្រវីទង់ជាតិ Catalan (ពណ៌ក្រហម និងលឿង) នៅមុខការិយាល័យរបស់គណបក្សនេះ។
គួរបញ្ជាក់ផងដែរថា ក្រុមអ្នកតវ៉ា បានចោទប្រកាន់ ថា ប៉ូលិសអេស្ប៉ាញ បានប្រើប្រាស់ហិង្សារំលោភសិទ្ធិមនុស្ស និងសេរីភាពរបស់ពួកគេ នៅអំឡុងការ បោះឆ្នោតប្រជាមតិកាល ដែលបណ្ដាលឲ្យមនុស្ស ៩០០នាក់ រងរបួស ខណៈទីក្រុងម៉ាឌ្រីត ចាត់ទុកថា ការបោះឆ្នោតនេះ គឺជារឿងខុសច្បាប់៕
