ការដាក់សម្ពាធពីអន្តរជាតិ ប្រឆាំងនឹងកម្មវិធីនុយក្លេអ៊ែរទីក្រុងព្យុងយ៉ាង ព្រមទាំងការទប់ស្កាត់ និងការរំលឹកជាញឹកញាប់អំពីការគំរាមកំហែងនៃសមយុទ្ធយោធាអាម៉េរិក និងសម្ព័ន្ធមិត្ត មិនអាចរារាំងកូរ៉េខាងជើង ពីការអភិវឌ្ឍយ៉ាងនូវឆាប់រហ័សនៅឃ្លាំងអាវុធនុយក្លេអ៊ែរ រួមទាំងមីស៊ីលផ្លោង។ នេះបើយោងតាមគេហទំព័រសារព័ត៌មាន Sputnik បានចុះផ្សាយនាយប់ថ្ងៃព្រហស្បតិ៍ ទី១២ ខែតុលា ឆ្នាំ២០១៧។
កាសែតកូរ៉េខាងជើង Rodong Sinmun បានបោះពុម្ពផ្សាយបង្ហាញពីយន្តហោះទម្លាក់គ្រាប់បែកអាមេរិក B-1B យន្តហោះចម្បាំងកូរ៉េខាងត្បូង F-15K និងយន្តហោះយោធាជប៉ុន F-15s បានហោះឆ្វែលលើតំបន់អន្តរកូរ៉េ ក្នុងន័យចង់បង្ហាញកម្លាំង ទៅដល់ទីក្រុងព្យុងយ៉ាង កាលពីថ្ងៃពុធ សប្ដាហ៍នេះ។
នាយករដ្ឋមន្ត្រីកូរ៉េខាងត្បូង លោក Moon Jae-in បាននិយាយ បន្ទាប់ពីការធ្វើសមយុទ្ធថា “តាមរយៈការអនុវត្ត នៅពេលនេះកងកម្លាំងអាកាសកូរ៉េខាងត្បូង និងអាម៉េរិក បង្ហាញពីការប្ដេជ្ញាចិត្តរបស់សម្ព័ន្ធមិត្ត ចំពោះការសងសឹកយ៉ាងខ្លាំងប្រឆាំងនឹងការគំរាមកំហែងនុយក្លេអ៊ែរ និងមីស៊ីលផ្លោងកូរ៉េខាងជើង”។គួរបញ្ជាក់ផងដែរថា កាលពីថ្ងៃទី០៧ ខែតុលា លោក គីម ជុងអ៊ុន ចាត់ទុកអាវុធនុយក្លេអ៊ែរជា ការការពារសន្តិភាព នៅលើឧបទ្វីបកូរ៉េ ដែលជាចំណុចមួយដែលលោក បានលើកឡើងម្តងហើយម្តងទៀត នៅក្នុងសុន្ទរកថា មុនពេលគណៈកម្មាធិការមជ្ឈិមបក្សពលករកូរ៉េ៕
