យោងទៅតាមការសិក្សាភូគព្ភសាស្ត្រសហរដ្ឋអាមេរិក (USGS) បានឲ្យដឹងថា មានហេតុការណ៍រញ្ជួយដីទំហំ ៧រ៉ិចទ័រ នៅក្នុងសមុទ្រប៉ាស៊ីហ្វិក ក្បែរកោះ New Caledonia ប្រទេសបារាំង។ នេះបើយោងតាមគេហទំព័រសារព័ត៌មាន អង់គ្លេស (Express) បានចេញផ្សាយនាព្រឹកថ្ងៃអង្គារ ទី៣១ ខែតុលា ឆ្នាំ២០១៧។
នៅម៉ោង ១២៖៤២នាទីព្រឹក មានការរញ្ជួយដី បានវាយប្រហារជិតកោះ ដែលស្ថិតក្នុងតំបន់ Ring of Fire នៅភាគខាងត្បូងសមុទ្រប៉ាស៊ីហ្វិក ដែលមានទីតាំងពីចន្លោះឆ្នេរសមុទ្រភាគខាងកើតនៃប្រទេសអូស្ត្រាលី ប្រហែលជា ១.៤៧១គីឡូម៉ែត្រ និងខាងជើងប្រទេសនូវែលហ្សេឡង់ ចម្ងាយ ១.៥៧៥គីឡូម៉ែត្រ។
ទន្ទឹមនឹងនេះ មជ្ឈមណ្ឌលរញ្ជួយស៊ូណាមិ អាមេរិក និងអូស្ត្រាលី បានប្រាប់ឲ្យដឹងថា មិនមានការប្រកាសអាសន្នពីរលកយក្សស៊ូណាមិ ទេ សម្រាប់តំបន់ជុំវិញការរញ្ជួយខាងលើនោះឡើយ ដោយគ្រាន់តែប្រកាសដំណឹងទាក់ទងនឹងហេតុការណ៍នេះ ឲ្យអ្នកទេសចរ មានការប្រុងប្រយ័ត្នជាមុន៕
