ត្បូងឃ្មុំៈ បុរសវ័យចំណាក់ម្នាក់ បានកាន់រូបកូនស្រីរត់ទៅមកប្តឹងប៉ូលិសប៉ុស្តិ៍នគរបាលរដ្ឋបាលដារ ជួយស្វែងរកកូនស្រីរបសគាត់ បន្ទាប់ពីចេញពីផ្ទះបាត់ដោយមិនដឹងមូលហេតុ។
លោកមេប៉ុស្តិ៍ បានឲ្យដឹងថា នៅវេលាម៉ោង២រសៀលថ្ងៃទី១១ ខែកញ្ញា ឆ្នាំ២០១៧ លោកបានទទួលពាក្យបណ្តឹងពីឈ្មោះ ញ៉ វ៉េត ភេទប្រុស អាយុ៥៣ឆ្នាំនៅភូមិស្ពាន ឃុំដារ ស្រុកមេមត់ ខេត្តត្បូងឃ្មុំថា កាលពីថ្ងៃទី១០ ខែកញ្ញា ឆ្នាំ២០១៧ វេលាម៉ោងប្រហែល៨ និង៣០នាទីព្រឹក កូនស្រីរបស់គាត់ឈ្មោះ វ៉េត ស្រីនាង ភេទស្រី អាយុ២០ឆ្នាំ បានចាកចេញពីផ្ទះ ហើយបាត់ដោយមិនដឹងមូលហេតុ ។
លោក ញ៉ វ៉េត បន្ថែបថា រូបគាត់បានធ្វើការទាក់ទងសួរទៅសាច់ញាតិបងប្អូនជិតឆ្ងាយអស់ហើយ ក៏មិនមានដំណឹងដែរ ហើយទាក់ទងតាមទូរស័ព្ទផ្ទាល់កូនស្រី ក៏ទាក់ទងមិនបានដែរ ទើបសម្រេចចិត្តមកដាក់ពាក្យបណ្តឹងសូមឲ្យលោកមេប៉ុស្តិ៍នគរបាលឃុំដារ ជួយអន្តរាគមន៍ស្រាវជ្រាវរកកូនស្រីរបស់គាត់។
គាត់បានបន្ថែមទៀតថា កូនស្រីគាត់ ដែលបាត់ទៅនោះ បានជិះម៉ូតូស្កុបពី ពណ៌ស សេរីឆ្នាំ២០១៤ គ្មានស្លាកលេខ ចេញទៅ ដោយស្លៀកពាក់អាវពណ៌ស ខោខូប៊យខៀវជើងវែង និងនៅលើខ្លួនរួមមាន៖ ខ្សែកប្លាកទី១ ខ្សែ កងជើងប្លាកទីន២ កង, កងដៃប្លាកទីនឈុត១៥កង។
ប្រសិនបើបងប្អូនណាប្រទះឃើញនារីដូចរូបខាងក្រោម សូមជួយទាក់ទងមក 0713272222 និង 093377113 ឬក្រុមគ្រួសារផ្ទាល់ 088 2968767៕
