ប្រទេសចិន បានបញ្ជូននាវាចម្បាំង Huangshan ប្រភេទ 54A បូករួមទាំងយន្តហោះពិឃាដ J-11B ចំនួន០២គ្រឿង និងឧទ្ធម្ភាគចក្រ Z-8 ចំនួន០១គ្រឿង ដើម្បីព្រមាននាវាចម្បាំងអាមេរិក USS ‘Chafee’ ក្បែរកោះ ដែលកំពុងមានជម្លោះនៅសមុទ្រចិនខាងត្បូង ដោយចោទប្រកាន់អាមេរិកថា បំផ្លាញអធិបតេយ្យភាព និងផលប្រយោជន៍សន្តិសុខនៅក្នុងតំបន់។ នេះបើយោងតាមគេហទំព័រសារព័ត៌មាន រុស្ស៊ី (RT) បានចេញផ្សាយនាយប់ថ្ងៃពុធ ទី១១ ខែតុលា ឆ្នាំ២០១៧។
ទីក្រុងប៉េកាំង ថ្កោលទោសចំពោះបេសកកម្មរបស់នាវាពិឃាដ កាលពីថ្ងៃអង្គារ បានហោះហើរក្នុងចម្ងាយ ២៥គីឡូម៉ែត្រនៃកោះ Paracel កំពុងមានជម្លោះនៅក្នុងសមុទ្រចិនខាងត្បូងនៅក្នុងក្របខណ្ឌនៃប្រតិបត្តិការ “សេរីភាពនៃការធ្វើនាវាចរណ៍”។ ក្រសួងការពារជាតិចិន បានចេញសេចក្ដីថ្លែងការណ៍ថា “នៅពេលប្រឈមមុខនឹងការបង្កហេតុម្ដងហើយម្ដងទៀត ដោយកងកម្លាំងសហរដ្ឋអាមេរិក និងយោធាចិន នឹងពង្រឹងបន្ថែមទៀតនូវការរៀបចំសម្រាប់ប្រយុទ្ធនៅសមុទ្រ និងដែនអាកាស ព្រមទាំងលើកកម្ពស់ការការពារ ដើម្បីការពារអធិបតេយ្យភាពជាតិ និងផលប្រយោជន៍សន្តិសុខ”។
ជុំវិញបញ្ហានេះ ក្រសួងការពារជាតិអាមេរិក មិនទាន់ចេញសេចក្ដីប្រកាសណាមួយ ដែរទាក់ទងនឹងឧប្បត្តិហេតុរបស់នាវាចម្បាំង ខាងលើ និងផលប៉ះពាល់ដល់ការទុកចិត្តរវាងកងទ័ពរបស់ប្រទេសទាំងពីរនៅឡើយទេ៕
