មុននេះបន្តិច វេលាម៉ោង ០៨ និង៣៦នាទីយប់ថ្ងៃទី០២ តុលានេះ យោងតាមគណនីហ្វេសប៊ុក លោក ភ័ណ សុខរ៉ា បានបង្ហាញពីសកម្មភាពចោលសំរាមរបស់ តារាសម្ដែង និងចម្រៀង លោក ម៉ាដូណា រួម និងមិត្តភក្កិនៅកន្លែងកម្សាន្ត។
បើមើលតាមវីដេអូ នៅកន្លែងកម្សាន្ត ដែលមានទឹកហូរ ឃើញម៉ាដូណា និងមិត្តភក្កិ បានញ៉ាំអីរួច ក៍យកកាកសំណល់នោះ មកគប់គ្នាលេង បន្ទាប់មកក៍ឃើញមានអ្នកថត លោកម៉ាដូណា និងមិត្តភក្កិ ក៍ដើរមកសុំមើល រួចបានជជែកគ្នាយ៉ាងតឹងសរសៃក ផងដែរ ។
ចុងក្រោយ នៃការនិយាយគ្នាមិនបានត្រូវរ៉ូវសោះ រហូតឈានទៅដល់ការ ប្រតាយប្រតប់ បណ្ដាលឲ្យធ្លាក់បែកទូរស័ព្ទ ហើយមុននឹងចាកចេញ មានទាំងការបោះពាក្យ ប្ដឹងគ្នាទៀតផង៕
