ភ្នំពេញៈ ដោយសម្លឹងឃើញប្រជាជនកម្ពុជា មានគំនិតវិជ្ជមានខ្លាំងនៅលើវិស័យមាស និងការចូលចិត្តវិយោគលើមាស ចេះតែឡើងថ្លៃជារៀងរាល់ឆ្នាំនោះ ក្រុមហ៊ុន Jet’s metal បាននាំយកមាសពីប្រទេសហុងកុង ដើម្បីលក់នៅក្នុងទីផ្សារកម្ពុជា លើគម្រោងទិញមាស ថែមផ្ទះ ដោយបោះទន់ជាង៣០លានដុល្លារសាងសង់ផ្ទះ ក្រោមគម្រោងទិញមាសថែមផ្ទះ។
ថ្លែងក្នុងសន្និសីទសារព័ត៌មានមួយនាព្រឹកថ្ងៃទី៦ តុលា ឆ្នាំ២០១៧ លោកឧកញ៉ា ស្រី ចាន់ថន អគ្គនាយកក្រុមហ៊ុន Jet’s Metal បានឲ្យដឹងថា ក្រុមហ៊ុនលោកបានសម្រេចបោះទន់ថវិកាជាង៣០លានដុល្លារ ដើម្បីសាងសង់គម្រោងផ្ទះល្វែងសម្រាប់សល់មាសដុំ ដោយទិញមាសចាប់ពី១គីឡូ នឹងទទួលបានថែមផ្ទះមួយល្វែង។
លោកឧកញ៉ាស្រីចាន់ថនបញ្ជាក់ថា «ក្រុមហ៊ុនយើងផ្តោតទៅការវិនិយោគលើវិស័យទីផ្សារពាណិជ្ជកម្មមាអន្តរជាតិ ជាពិសេសនាំចេញចូលមាសដុំ (មាសគីឡូ )ពីប្រទេសហុងកុង ដោយសហការជាមួយក្រុម ហ៊ុន MIBD ដែលគ្រប់ដុំមាសទំាងអស់ ត្រូវបានទទួលស្គាល់ពីស មាគមមាស១ ក្នុងចំណោមសមាគមមាសទំាង៤ នៅលើពិភពលោក គឺសមាគមមាស CGSE ដោយមាសទំាងអស់ គឺអាចចរាចរលក់បាននៅទូទំាងពិភពលោក ។ ជាពិសេសជាងនេះទៅទៀត យើងក៏បាននាំចូលកាក់មាសសុទ្ធ កាក់ប្រាក់សុទ្ធ ដែលជាវត្ថុអនុស្សាវរីមានកំណត់»។
លោកឧកញ៉ា បានបន្ថែមថា គម្រោងនេះចាប់ផ្តើមលក់ពីថ្ងៃនេះតទៅ ដោយមានភាពទាក់ទាញនៅគម្រោងនេះ ត្រូវបានអតិថិជនជាវជាបណ្តើររួចមកហើយ។ លោកថា គម្រោងនេះដំណើរការឡើងដោយសម្លឹងឃើញថា ប្រជាពលរដ្ឋខ្មែរ មានគំនិតវិជ្ជមានខ្លាំងទៅលើវិស័យ មាស ដែលមាស គឺចេះតែឡើងថ្លៃជារៀងរាល់ឆ្នាំ។ ដោយហេតុផលថា តម្រូវការមាសកើ នឡើងខ្លាំងឡើងៗ ប៉ុន្តែវត្ថុធាតុដើម(រ៉ែមាស )កាន់តែថយចុះ ដូចនេះអ្នកវិនិយោគទាំងអស់ សុទ្ធតែមើលឡើង។ ម៉្យាងទៀត វិស័យមាសជារបស់មានតម្លៃ ដែលវាអាចទប់ស្កាត់ និងប្រ ឆាំង នឹងអតិផរណា (លុយហើម ឬការធ្លាក់ចុះនៃតម្លៃលុយ)។
លោកឧញ៉ាបន្ថែមទៀតថា វិស័យអចនពទ្រព្យក្នុងប្រទេសកម្ពុជា រយៈពេលប៉ុន្មានឆ្នាំចុងក្រោយនេះមានសន្ទុះនៃការអភិវឌ្ឍន៍ និងការកើនឡើងនៃតម្លៃ គួរឲ្យកត់សម្គាល់យ៉ាងខ្លាំង ជាពិសេសនោះតំបន់អរិយក្សត្រតែម្តង។
លោក ថន ណារ៉េត ប្រធានក្រុមប្រឹក្សាភិបាលក្រុម Jet’s Metal បានលើកឡើងថាគ ម្រោងទិញមាសបានផ្ទះលើកដំបូងនៅកម្ពុជាមានលក្ខខណ្ឌងាយៗ និងស្រូល ដោយអតិថិជន មកក្រុមហ៊ុនទិញមាសមួយគីឡូ ដែលមានតម្លៃប្រមាណជាង៤ម៉ឺដុល្លារ (ទិញក្នុងទីផ្សាអន្តរជាតិ)នោះអតិថិជនអាចទទួលសិទ្ធិក្នុងការកម្ចីប្រាក់៧០%នៃតម្លៃមាស ដើម្បីទិញផ្ទះរបស់គម្រោ ងស្កាយឡែន ( Sky Land ) ដែលមានតម្លៃជាង២ម៉ឺនដុល្លារ ដល់តម្លៃជិត៨ម៉ឺនដុល្លារ ដែលជា ប្រភេទវិឡាកូនកាត់ ។ ជាងនេះរាល់អតិថិជន ជាវមាសនោះ ក៏បានទទួលការធ្វើដំណើរនៅប្រទេសហុងកុងចំនួនពីរូបផងដែរ។
លោកឧកញ៉ា ស្រី ចាន់ថន ក៏បានឲ្យដឹងថា គម្រោងនេះ បានធ្វើការសហការជាមួយក្រុមហ៊ុនមកពីប្រទេសហុងកុង ដែលមានមាស ហើយក្រុមហ៊ុនលោកមានគម្រោងផ្ទះសម្រាប់ផ្តល់ជូនអតិថិជន។
លោកបញ្ជាក់ថា «គាត់មានមាស ហើយខ្ញុំមានទីផ្សារ អីចឹងបានយើងបង្កើតក្រុមហ៊ុន Jet’s Metal ហើយបានសុំអជ្ញាប័ណ្ណដល់ធនាគារ ក្នុងនាំមាសចូលនៅកម្ពុជា។ ក្រុមហ៊ុនយើង ក៏មានទិញមាស និងលក់មាសដែរ »។
លោកបន្ថែមថា មាសដែលអតិថិជនទិញក៏អាចលក់បានផងដែរ។ លោកឧញ៉ា បញ្ជាក់ថា «យើងបោះទន់ជាង៣០លានដុល្លារ ហើយសម្រាប់មាស យើងបោះទន់មួយចំនួន ដែលពេលនេះយើងបាននាំចូលមាសប្រមាណ៣ទៅ៤គីឡូ»៕
