ភ្នំពេញៈ បុរសជនជាតិចិនម្នាក់ បើក Range Rover ដល់ផ្លូវបំបែកជាបួនមិនប្រយ័ត្ន ក៏ជ្រុលបុករថយន្ត Pirus បណ្ដាលឲ្យរថយន្តទាំងពីររងការខូចខាតទាំងសងខាង។ ហេតុការណ៍នេះ កើតឡើងកាលពីវេលាម៉ោង២និង០៩នាទីរំលងអធ្រាត្រឈានចូលថ្ងៃទី២៧ ខែតុលា ឆ្នាំ២០១៧ ស្ថិតនៅតាមបណ្ដោយផ្លូវ២១៤ កែងនិងផ្លូវ៥១ សង្កាត់បឹងរាំង ខណ្ឌដូនពេញ រាជធានីភ្នំពេញ ។
អ្នកឃើញហេតុ បានឲ្យដឹងថា មុនពេលកើតហេតុ គេឃើញបុរសជនជាតិចិនម្នាក់ បើករថយន្តម៉ាក Range Rover ពណ៌ខ្មៅមួយគ្រឿង ពាក់ស្លាកលេខ ភ្នំពេញ2X-5068 ធ្វើដំណើរតាមផ្លូវ ក្នុងទិសដៅពីជើងមកត្បូង ខណៈមកដល់ចំណុចកើតហេតុខាងលើ ក៏បានទៅបុករថយន្តម៉ាកPirus ពណ៌ខៀវ ពាក់ស្លាកលេខ ភ្នំពេញ 2T-7258 បណ្ដាឲ្យរថយន្តទាំងពីរ ខូចខាតយ៉ាងដំណំ។
ក្រោយពេលកើតហេតុភាគីទាំងសងខាងបានសម្របសម្រួល និងដោះស្រាយគ្នានៅនឹងកន្លែងកើតហេតុ ដោយមិនឲ្យសសមត្ថកិច្ចនឿយហត់ឡើយ៕
