មានហេតុការណ៍បាញ់សម្លាប់ នៅក្នុងព្រះវិហារមួយកន្លែង ក្នុងតំបន់ Sutherland Springs រដ្ឋ Texas សហរដ្ឋអាមេរិក បណ្ដាលឲ្យមនុស្សស្លាប់ និងរងរបួសជាច្រើននាក់។
នេះបើយោងតាមគេហទំព័រសារព័ត៌មាន រុស្ស៊ី (RT) បានចុះផ្សាយនាព្រឹកថ្ងៃច័ន្ទ ទី០៦ ខែវិច្ឆិកា ឆ្នាំ២០១៧។អភិបាលក្រុង Texas លោក Gregg Abbot បាននិយាយថា ជនល្មើសឈ្មោះ Devin Patrick Kelley អាយុ ២៦ឆ្នាំ រស់នៅទីក្រុង New Braunfels បានបើកការបាញ់ប្រហារទៅលើមនុស្សដែលចូលទៅក្នុងព្រះវិហារមួយកន្លែង ក្នុងតំបន់ Sutherland Springs បណ្ដាលឲ្យមនុស្សស្លាប់ ចំនួន ២៦នាក់និងរងរបួស ចំនួន២០នាក់ នៅវេលាម៉ោង ១១៖៣០នាទីព្រឹកម៉ោង (ម៉ោងក្នុងស្រុក) កាលពីម្សិលមិញ។
គួរបញ្ជាក់ផងដែរថា យោងតាមរបាយការណ៍មន្ត្រីកងទ័ពអាកាសអាមេរិក បានឲ្យដឹងថា ជនល្មើស Kelley ថ្លាប់បម្រើការនៅទ័ពអាកាសអាមេរិករហូតដល់ឆ្នាំ ២០១៣ និងបានចូលរួមរៀនវគ្គខ្លីៗ ពីយោធានៅរដូវក្ដៅផងដែរ៕
