ព្រៃវែងៈ យុវសិស្សឈាមរាវម្នាក់ បានធ្វើសកម្មភាពកាប់ទៅសិស្សម្នាក់ទៀត បណ្តាលឲ្យរបួសជាទម្ងន់ កាលពីថ្ងែទី១៧ ខែវិច្ឆិកា ឆ្នាំ២០១៧ វេលាម៉ោង១០ និង១៥នាទីព្រឹក នៅចំណុចវិទ្យាល័យរស្មីសាមគ្គី ស្ថិតនៅភូមិកំពង់ប្រាសាទ ឃុំកំពង់ប្រាសាទ ស្រុកពាមរក៍ ខេត្តព្រៃវែង។
យុវជនសង្ស័យដែលត្រូវសមត្ថកិច្ចឃាត់ខ្លួនឈ្មោះ សៅ សុកឡុង ភេទប្រុស អាយុ១៧ឆ្នាំ ជាសិស្ស មានទីលនៅភូមិតាហ៊ុយ ឃុំកំពង់ប្រាសាទ ស្រុកពាមរក៍ បច្ចុប្បន្នស្នាក់នៅភូមិបង្អែក ឃុំស្វាយភ្លោះ ស្រុកពាមរក៍។ ជនសង្ស័យរូបនេះ បានយកដាវដែក១ដើម ធ្វើសកម្មភាពកាប់ទៅលើជនរងគ្រោះឈ្មោះ សុខុម សុខន ភេទប្រុស អាយុ១៧ឆ្នាំ ជាសិស្ស រស់នៅភូមិកំពង់ប្រាសាទ ឃុំកំពង់ប្រាសាទ បណ្តាលឲ្យរងរបួសជាទម្ងន់ ត្រូវបានក្រុមគ្រួសារបញ្ជូនទៅព្យាបាលរបួសនៅប្រទេសវៀតណាម។
បច្ចុប្បន្ន ជនសង្ស័យត្រូវសមត្ថកិច្ចសាកសួរ និងឃុំខ្លួនបណ្តោះអាសន្ននៅអធិការដ្ឋាននគរបាលស្រុកពាមជរ៍៕
