ភ្នំពេញៈ បរុសម្នាក់ចង់ចូលទៅក្នុងវាំង ដើម្បីរកសង្សារ ដោយសន្តិសុខប្រាប់ថា មិនមានសង្សារឯងនៅក្នុងនោះទេ តែបុរសនោះមិនព្រមស្ដាប់ ក៏សម្រុងចូលត្រូវក្រុមសន្តិសុខនាំគ្នាចាប់គ្នា៣.៤នាក់ ទើបសន្តិសុខចាប់ដួលប៉ះនឹងខឿនសួនច្បារមុខវាំងបែបក្បាលខ្លួនឯង។
ហេតុការណ៍ភ្ងាក់ផ្អើលខាងលើនេះបានកើតឡើងកាលពីវេលាម៉ោង៣និង២០នាទីយប់ថ្ងៃទី៥ខែវិចិ្ឆកា ឆ្នាំ២០១៧ នៅមុខព្រះបរមរាជវាំង សង្កាត់ជ័យជំនះ ខណ្ឌដូនពេញ រាជធានីភ្នំពេញ។
បុរសដែលចង់ចូលទៅក្នុងវាំងឈ្មោះ ចាន់ គ័ង្គ ភេទប្រុស អាយុ៣៦ឆ្នាំ មុខរបរធ្វើស្រែចំការស្នាក់នៅស្រុកស្រីស្នំ ខេត្តសៀមរាប។
សន្តិសុខយាមប្រចាំការនៅមុខវាំងបានប្រាប់ឲ្យដឹងថា គឺមានបុរសម្នាក់មិនថា គាត់កើតអ្វីទេបែរជាចង់ចូលទៅក្នុងវាំង ដើម្បីតាមរកសង្សាររបស់គាត់ តែត្រូវក្រុមគាត់ប្រាប់ថា មិនមានសង្សារប្អូននៅក្នុងនោះទេ ព្រោះកន្លែងនេះជាព្រះបរមរាជវាំង តែប្រាប់យ៉ាងណាក៏បុរសនោះមិនស្ដាប់ ហើយរត់រកឡើងរបងវាំង ក៏ក្រុមសន្តិសុខនាំគ្នា៣.៤នាក់ ដេញចាប់។ ចំណែកក្បាលដែលគាត់បែកហូរឈាមនោះ គឺដោយសារតែបុរសនោះបានដួលទៅប៉ះជាខឿនសួនច្បារ។
បច្ចុប្បន្នបុរសខាងលើនេះ ត្រូវបានមេប៉ុស្តិ៍ជ័យជំនះដឹកយកទៅទុកនៅសាលាខណ្ឌដូនពេញសិន ដើម្បីរង់ចាំគោលការណ៍ពីលោក សុខ ពេញវុធ អភិបាលខណ្ឌដូនពេញ ដោះស្រាយពេលក្រោយ៕
