នៅយប់ថ្ងៃទី១៧ ខែវិច្ឆិកា ឆ្នាំ២០១៧ នេះ លោក សម រង្ស៊ី បានផ្តល់បទសម្ភាសន៍ជាមួយវិទ្យុសំឡេសហរដ្ឋអាមេរិក ថាលោកនឹងប្រើយុទ្ធសាស្ត្រ៣ជំហាន៖
១- ប្រកាសមិនទទួលស្គាល់ច្បាប់តិរិច្ឆាន សេចក្តីសម្រេចតិរិច្ឆានរបស់តុលាការតិរិច្ឆាន តាមបញ្ជាដឹកនាំរដ្ឋាភិបាលតិរិច្ឆានរបស់លោក ហ៊ុន សែន។ លោកបន្តទៀតថា គណបក្សសង្គ្រោះជាតិនៅតែដំណើរការជានិច្ច នៅតែមានវត្តខ្លាំងក្លាឡើងកក្នុងបេះដូងប្រជារាស្រ្តពាក់កណ្តាលនរគ។ នៅចំពោះមុខសហគមអន្តរជាតិ គណបក្សសង្គ្រោះជាតិនៅតែដំណើរការ សមាជិកបក្សប្រឆាំងត្រូវគេ (អន្តរជាតិ)ទទួលស្គាល់ តំណាងឱ្យប្រជារាស្រ្តខ្មែរ។ គេអត់ទទួលស្គាល់គណបក្សមួយរំលាយគណបក្សមួយទេ សភាមានតែគណបក្សមួយ។
២- ស្នើឱ្យមានប្រតិកម្មពីសំណាក់អន្តរជាតិ ឱ្យមានចាត់វិធានការជាក់ស្តើងលើរដ្ឋាភិបាលលោក ហ៊ុនសែន។ លោក ហ៊ុន សែន នឹងដឹងខ្លួន កុំមើលស្រាលសហរដ្ឋអាមេរិក សហភាពអឺរ៉ុប ប្រទេសប្រកាន់លទ្ធិប្រជាធិបតេយ្យ។ ស្នើឱ្យជាប្រជាពលរដ្ឋក្នុងប្រទេសទាមទារឱ្យលោក ហ៊ុន សែន ចុះចេញពីតំណែងឬប្តូររបៀបដឹកនាំនយោបាយ ដោយបញ្ឈប់ការធ្វើទុក្ខបុកម្និញបក្សប្រឆាំង ផ្តល់សេរីភាពដល់ប្រជាពលរដ្ឋ ដោះលែងអ្នកទុកនយោបាយទាំងអស់ ដើម្បីកុំឱ្យអន្តរជាតិដាក់ទណ្ឌកម្មសេដ្ឋកិច្ច។
៣-ឱ្យមានការចរចាដែលមានការធានាពីអន្តរជាតិ ឱ្យមានដំណោះស្រាយនយោបាយរួម មិនមែនតែមួយជ្រុងៗទេ ដែលឈានទៅដល់មានការធានាឱ្យមានការបោះឆ្នោតប្រកបដោយសេរី ត្រឹមត្រូវនិងយុត្តិធម៌ ដែលមានការចូលរួមពីគណបក្សសង្គ្រោះជាតិដាច់ខាត។
លោក សម រង្ស៊ី បញ្ជាក់ថារចនាសម្ព័ន្ធ គណបក្សសង្គ្រោះជាតិនៅតែដដែលតាំងពីថ្នាក់មូលដ្ឋានដល់ថ្នាក់ជាតិ លោក កឹម សុខា ជាប្រធានគណបក្ស។
មិនទាន់មានប្រតិកម្មណាមួយពីសំណាក់គណបក្សកាន់អំណាចទៅនឹងការលើកឡើងរបស់លោក សម រង្ស៊ី នៅឡើយទេ។
