ក្រចេះ៖ ជម្លោះក្នុងវង់ផឹកស៊ីមួយ បានកើតឡើង ធ្វើឲ្យភាគីបង្ក៣នាក់ ទាញឈើជ្រុងសំពងក្បាលបុរសម្នាក់ស្លាប់ បណ្តាលឲ្យស្លាប់ ហើយសែងយកសពទៅបោះចោលក្នុងទឹកព្រែកទេខាងលិចភូមិប្រមាណ១០០ម៉ែត្រ ស្ថិតក្នុងភូមិស្រែនន ឃុំកន្ទួតស្រុកចិត្របុរី ខេត្តក្រចេះ កាលពីថ្ងៃទី៣១ ខែតុលា ឆ្នាំ២០១៧។
មន្រ្តីនគរបាលស្រុកចិត្របុរី បានឱ្យដឹងថា ករណីឃាតកម្មមួយនេះ បង្កឡើងដោយបុរសសង្ស័យចំនួនបីនាក់ ដោយសារទាស់សម្តីគ្នាពេលផឹកស៊ីជាមួយជនរងគ្រោះ រហូតដល់ក្លាយជាអំពើហិង្សា។
មន្រ្តីនគរបាលស្រុកចិត្របុរី បន្តថា ជនរងគ្រោះឈ្មោះ ប៊ីវ និល ភេទប្រុស អាយុ៤៨ឆ្នាំ ជនជាតិខ្មែរ មុខរបរកសិករ នៅភូមិឃុំកើតហេតុខាងលើ។ ចំណែកជនសង្ស័យ ទី១ ឈ្មោះតឹកវេត ភេទប្រុស អាយុ៣១ឆ្នាំ។ ២ឈ្មោះ ត្រុំជី ភេទប្រុស អាយុ២៧ឆ្នាំ។ ៣ ឈ្មោះ ស្រ៊ីម ស្រស់ ភេទប្រុស អាយុ២៩ឆ្នាំ នៅភូមិភូមិឃុំកើតហេតុខាងលើ។
មន្ត្រីនគរបាល បន្តទៀតថា មុនពេលកើតហេតុ ជនសង្ស័យនិងជនរងគ្រោះនាំគ្នាផឹកស៊ីជាមួយគ្នា បន្ទាប់មកក៏ទាស់សម្តីគ្នា ហើយកើតរឿងវាយតប់គ្នា ពេលនោះជនសង្ស័យនាំគ្នាយកកំណាត់ឈើជ្រុងវាយត្រូវក្បាល និងខ្លួនជនរងគ្រោះបណ្ដាលឱ្យស្លាប់។ ក្រោយពីស្លាប់ក្រុមជនដៃដល់បាននាំគ្នាសែងសពយកទៅបោះចោលក្នុងទឹកព្រែកទេខាងលិចភូមិប្រមាណ១០០ម៉ែត្រ។
ក្រោយមកសមត្ថកិច្ចបានស្រាវជ្រាវចាប់ជនសង្ស័យបាន៣នាក់ រួចនាំខ្លួនមកឃុំបណ្ដោះអាសន្ននៅអធិការដ្ឋាននគរបាលស្រុកចិត្របុរី ដើម្បីកសាងសំណុំរឿងចាត់ការតាមច្បាប់។ ចំណែកសពជនរងគ្រោះ ក្រោយពីសមត្ថកិច្ចជំនាញបច្ចេកទេសពិនិត្យរួចរាល់ ប្រគល់ជូនក្រុមគ្រួសារយកធ្វើបុណ្យតាមប្រពៃណី៕
