ទីកុ្រងដាវៅ៖ សិស្សបឋមសិក្សាមួយក្រុម (Team A) របស់កម្ពុជា ដែលមានសមាជិក ៤នាក់ ស្រី ១ នាក់ បានទទួលមេដាយសំរឹទ្ធ ពីការប្រឡង International Teenager Mathmatics Olympiad (ITMO 2017) ដែលបានប្រព្រឹត្តទៅចាប់ពីថ្ងៃទី០៨-១២ ខែវិច្ឆិកា ឆ្នាំ២០១៧ នៅទីក្រុង Davao, ប្រទេសភីលីពីន។
បើតាមក្រសួងអប់រំបានឲ្យដឹងថា លទ្ធផលនេះ បើគិតជាក្រុម កម្ពុជាទទួលបានចំណាត់ថ្នាក់ទី៧ លើ ២១ ហើយបើគិតជាប្រទេស ប្រទេសកម្ពុជាបានចំណាត់ថ្នាក់ទី៥ លើ១១។ សិស្សានុសិស្សរបស់កម្ពុជាដែលមិនបានមេដាយ គឺសុទ្ធតែទទួលបាន Merrit Certificates។
ក្នុងនោះប្រទេសកម្ពុជាក៏ បានទទួលពានរង្វាន់ ដែលសម្ដែងបានល្អបំផុត ក្នុងពិធីជប់លៀងពេលរាត្រីផងដែរ ។ សូមបញ្ជាក់ផងដែរថា ការប្រឡង ITMO 2017 នេះ កម្ពុជាបានបញ្ជូនសិស្សបឋមសិក្សាចំនួន ១៦ នាក់ ស្រី ៧ នាក់ ដែលចែកចេញជា៤ ក្រុម ដើម្បីចូលរួមប្រឡងប្រជែង៕
