ភ្នំពេញៈ ទើបតែបើកហាងអាហារ « ផែសុមុទ្រ » មិនទាន់បានមួយខែស្រួលបួលផង ស្រាប់តែស្រីស្អាត តូតា បានបើកសាខាទី២ របស់ខ្លួននៅម្តុំតាខ្មៅ ធ្វើព្រងើយ មើលទៅនាងពិតជាមានយីអ៊ុនល្អណាស់ រកស៊ីកាក់កបតែម្តង នៅបំណាច់ឆ្នាំ២០១៧នេះ ។ លទ្ធផលដ៏ល្អនេះ ត្រូវបានគេដឹងថា មកពីមានការជួយជំរុញខ្លាំងពីគូស្នេហ៍ របស់នាង។
កាន់តែមានតម្រុយច្បាស់ហើយ រវាងតារាសម្តែងតូតា និងលោក ប៉ុល វិប កាន់តែជិតដិតទៅៗរហូតរួមគ្នា បង្កើតជំនួញបន្តបន្ទាប់។ លុះក្រោយមកក៏លេចលឺថា អ្នកទាំង២ ស្ថិតក្នុងផ្លូវចូលរោងការ។
ភោជនីយដ្ឋាន “ផែសមុទ្រ” ជារបស់តូតាបើកសាខាថ្មីកន្លងទៅ គឺជាការចូលហ៊ុនគ្នាជាមួយគូស្នេហ៍នាង គឺលោក ប៉ុល វិបូ ហៅ នីត អតីតអ្នកគ្រប់គ្រងទូរទស្សន៍ ថោន និងជាចាងហ្វាងផលិតកម្ម Angkor Picture។ កញ្ញាបានប្រលយសម្ដីថា ជំនួយថ្មីរួមគ្នាអាចធ្វើឲ្យពិធីមង្គលការរបស់នាងលេចឡើងក្នុងពេលដ៏ខ្លីខាងមុខ។
ការបើកសាខាទី២ តូតាបញ្ជាក់ថា ដោយសារទទួលការគាំទ្រពីអតិថិជន ទើបកញ្ញា និងគូស្នេហ៍របស់ខ្លួនសម្រេចចិត្តបើកសាខាទី២ដូច្នេះ។ កញ្ញាបានបញ្ជាក់ថា ”សាខាថ្មីនៅតាខ្មៅនេះ គ្មានអ្វីក្រៅតែពីការគាំទ្រពីបងប្អូនទេ ទើបខ្ញុំ និងគាត់សម្រេចចិត្តចូលហ៊ុនបើកបន្តទៀត។ អតិថិជនគឺជាកម្លាំងចិត្តធ្វើឲ្យខ្ញុំសម្រេចចិត្តបែនេះ”។
តារាសម្ដែងរូបនេះ បន្តថា ប្រសិនបើអាជីវកម្មថ្មីនេះ ទទួលជោគជ័យខ្លាំងពិតមែន នោះកញ្ញា និងគូស្នេហ៍របស់ខ្លួនអាចនឹងចូលរោងការឆាប់ៗ។ ក៏ប៉ុន្តេពេលវេលាណាឲ្យប្រាកដនោះ កញ្ញាមិនទាន់បង្ហើបឲ្យដឹងនៅឡើយទេ ដោយរង់ចាំមើលបន្តិចទៀតសិន។
កញ្ញា ម៉ាក សែនសូនីតា និងលោក ប៉ុល វិបូ ទើបប្រកាសជាផ្លូវការថា អ្នកទាំងពីរជាគូស្នេហ៍នឹងគ្នាបន្ទាប់ពីទាក់ទងគ្នាយូរមកហើយ ចាប់តាំងពីការថតរឿង “ចន្ទ្រា” មកម្ល៉េះ។ យ៉ាងណាស្នេហ៍អ្នកទាំងពីរ កាន់បង្ហាញច្បាស់បន្ទាប់ពីអ្នកទាំងពីរបើកជំនួញរួមគ្នាគឺភោជនីយដ្ឋាន”ផែសមុទ្រ” នេះឯង៕
