បន្ទាយមានជ័យៈ ជីវិតនារីដោះមីននៅអង្គភាពសុីម៉ាក់ម្នាក់ មានសមត្ថភាពខ្ពស់ និងភាពក្លាហាន បានរកឃើញគ្រាប់មីនតោន៣គ្រាប់ ក្នុងចំណោម៤គ្រាប់នៅទីតាំងផេ្សងៗគ្នា នៅឃុំទួលពង្រ ស្រុកម៉ាឡៃ ខេត្តបន្ទាយមានជ័យ។
ប្រភពបានឲ្យដឹងថា ស្ត្រីដោះមីនរបស់សុីម៉ាក់ម្នាក់ឈ្មោះ ឆាង ចន្ធី បានទទួលការងារចំមុខព្រួញគ្រាប់មីនតោន ដោយរកឃើញគ្រាប់មីនតោនចំនួន៣គ្រាប់ ក្នុងចំណោមគ្រាប់មីនតោនចំនួន៤គ្រាប់ ដែលបានរកឃើញនៅក្នុងប្រតិបតិ្តការ ចន្លោះថ្ងៃទី១៣-១៩ ខែធ្នូនេះ។
សូមបញ្ជាក់នារីក្លាហានខាងលើនេះ បានចូលបម្រើការងារជាអ្នកជំនាញដោះមីនក្នុងអង្គការសុីម៉ាក់នៅឆ្នាំ២០០៦។ ក្នុងរយៈពេលបំពេញការងារជាង១២ឆ្នាំនេះ នាងដោះមីនបានជាង២០០គ្រាប់មកហើយ។
សុំបញ្ជាក់ថា នៅស្រុកម៉ាឡៃ អង្គភាពភូមិភាគទី១ នៅទិសខេត្តបន្ទាយមានជ័យ-ឧត្តមានជ័យ បានរុករកឃើញគ្រាប់មីនតោនចំនួន៩៩៧គ្រាប់មកហើយ៕
