តាមរយៈសេចក្តីជូនដំណឹងរបស់ក្រសួងព័ត៌មាន ចុះថ្ងៃទី១៩ ខែធ្នូ ឆ្នាំ២០១៧ លោកខៀវ កាញារីទ្ធ រដ្ឋមន្ត្រីក្រសួងព័ត៌មាន បានបញ្ជាក់ថា បទចម្រៀងរបស់ក្រុមហ៊ុនផលិតកម្មថោន មានចំណងជើងថា “គ្រូបង្រៀនស្រវឹងស្រា” ច្រៀងដោយលោកស្រីចេន សាយចៃ មានខ្លឹមសារបន្តុះបង្អាប់ ប្រមាថ គ្រូបង្រៀនថា ផឹកស្រាស្ទើររាល់ថ្ងៃ ស្រវឹងទាំងថ្ងៃ វាចាធុំក្លិនតែស្រា ឲ្យតែស្រវឹងកាចចម្លែកបង្រៀនប្លែកៗខឹងស្រែកខឹងវាយខុសក្រមច្បាប់គ្រូ ដែលខ្លឹមសារនៃបទចម្រៀងនេះបានប្រាសចាកអំពីអកប្បកិរិយា និងសីលធម៌ថ្លែថ្នូររបស់គ្រូបង្រៀនទូទៅ ធ្វើឲ្យប៉ះពាល់យ៉ាងធ្ងន់ធ្ងរដល់កិត្តិយស និងសេចក្តីថ្លៃថ្នូររបស់គ្រូបង្រៀនដែលធ្វើឲ្យមានប្រតិកម្មពីសំណាក់មហាជនទូទៅ និងជះឥទ្ធិពលមិនល្អដល់សង្គមទាំងមូល ហើយសារខ្លឹមសារបទចម្រៀងនេះ បាក់ដក់ជាប់នឹងអារម្មណ៍របស់កុមារតូចៗ ដែលពុំមានមូលដ្ឋាននៃការពិចារណា ច្បាស់លាស់នៅឡើយ ទើបរដ្ឋមន្ត្រីក្រសួងព័ត៌មាន បានប្រកាសប្រាប់ដល់ម្ចាស់ស្ថានីយវិទ្យុ ទូរទស្សន៍ទាំងអស់ ហាមចាក់ផ្សាយបទចម្រៀងនេះ។
ក្រោយសេចក្ដីប្រកាសនេះត្រូវបានផ្សព្វផ្សាយ តារាចម្រៀងក្នុងផលិតកម្មថោន លោក ខេម បានប្រតិកម្មថា៖
អង្គុយគិតទៅគិតម៉ោដូចជាមិនយល់សោះ ច្រៀងរឿងពឹតជួយដល់សង្គមខុស ច្រៀងរឿងបំពុលសង្គមមិនខុស ហើយល្បីទៀត ដូចវុលវុលម៉េចទេ តើនេះជាសម័យអីទៅ។ 🗣🗣🗣🗣🗣🗣🗣🗣🗣🗣🗣🗣 អោយតំលៃមនុស្សពេលនៅរស់ត្រូវការញាំ កុំចាំបាច់ស្លាប់ហើយបាននឹកស្តាយនោះវាអត់ប្រយោជន៍ទេ សិល្បះម្នាក់ពេលនៅរស់សូម្បីតែឈ្មោះក៏នឹកមិនឃើញផង តែពេលស្លាប់ លើកតម្តើងចង់ដល់មេឃ សួរថាគាត់អាចទទួលយកបាននៅអ្វីដែលគាត់ចង់បានទេ???????????????ងើបមកស្តាប់មិនបានផង យល់តាមការគិតចុះ 😇😇😇😇Good night 🌃🌃🌃🌃
