នៅថ្ងៃទី០២ ខែធ្នូ ឆ្នាំ២០១៧ លោក សម រង្ស៊ី បានថ្លែងក្នុងកិច្ចពិភាក្សា នៅទីក្រុងប៉ារីសថា៖ ស្ថានការណ៍សម្រាប់គណបក្សសង្គ្រោះជាតិ គឺល្អប្រសើរឡើងវិញ ចំពោះស្ថានកាណ៍លោក ហ៊ុន សែន ល្អមុន អាក្រក់ក្រោយ តែគណបក្សសង្គ្រោះជាតិ អាក្រក់មុន ល្អក្រោយ លោក ហ៊ុន សែន ប្រើគាត់កម្លាំងបាយ កម្លាំងទ័ព ប្រើច្បាប់ដែលគាត់ធ្វើលែងសើចហ្នឹង គឺគាត់ធ្វើអីបានតាមចិត្ត អាហ្នឹងចំណុចល្អរបស់គាត់ តែអាក្រក់សម្រាប់យើង (គណបក្សសង្គ្រោះជាតិ) តែក្នុងរយៈពេលខ្លីទេ។
សម្ពាធអន្តរជាតិមិនអាចទ្រាំបានទេ កុំជឿលោក ហ៊ុន សែន ដែលឌឺចង់ឱ្យសហរដ្ឋអាមេរិកកាត់ជំនួយឱ្យអស់ទៅ អត់ខ្វល់ អត់អីហ្នឹង មិនមែនជាការពិតទេ ចំពោះយើងកំពុងរងគ្រោះ គេចខ្លួន បញ្ឈប់សកម្មភាពរបស់យើងមិនឱ្យគេរករឿង អាហ្នឹងជាស្ថានភាពអាក្រក់របស់យើង។ មិនយូរទេ ២ឬ៣ខែទៀត ស្ថានការណ៍លោក ហ៊ុន សែន ថយ ពេលហ្នឹងយើងធូរហើយ ដូចក្រោយរដ្ឋប្រហារឆ្នាំ១៩៩៧ អ៊ីចឹង នៅឆ្នាំ២០១៨ យើងនឹងមានសិទ្ធិសេរីភាព យើងនឹងចូលរួមការបោះឆ្នោតជ្រើសតាំងតំណាងរាស្រ្ត ឆ្នាំ២០១៨ ហើយពេលនោះភ្លូកទឹកភ្លូកដីហើយ។ រចន្តហ្នឹងឈ្នះហើយ អ៊ីចឹងហើយបានជា លោក ហ៊ុន សែន រំលាយបក្សយើង រំលាយតែក្រដាសទេ។
អតីតប្រធានបក្សប្រឆាំងរូបនេះបន្ថែមថា៖ យើងអត់ត្រូវការពេលវេលាច្រើនទេ គឺអាស្រ័យលើទឹកចិត្តរបស់យើង យើងរក្សាឧត្តមគតិ ការប្តេជ្ញាចិត្តរបស់យើង ហើយទាំងខ្មែរនៅក្រៅប្រទេស និងប្រទេសដែលគាំទ្រប្រជាធិបតេយ្យ ជួយយើងច្រើនជាងមុនទៅទៀត ដើម្បីចូលរួមការបោះឆ្នោត។ នៅឆ្នាំ២០១៨ គេ (លោក ហ៊ុន សែន) មិនអាចលួចសន្លឹកឆ្នោតយើងបានទេ សម្ពាធអន្តរជាតិនឹងជំរុញឱ្យ គ.ជ.ប ដំណើរការឡើងវិញ ហើយលោក គួយ ប៊ុនរឿន អាចត្រឡប់ចូលធ្វើការនៅ គ.ជ.ប វិញ។
