លោក ហែម សុជាតិ មេធាវីការពារក្តីម្នាក់ក្នុងចំណោមមេធាវិការពារក្តីលោក កឹម សុខា ដទៃទៀតបានប្រាប់ថា ក្រុមលោកបានដាក់ពាក្យស្នើសុំទៅតុលាការដើម្បីផ្លាស់ប្តូរលោក កឹម សុខា ពីពន្ធនាធាគារត្រពាំងថ្លុងមករាជធានីភ្នំពេញ កាលពីថ្ងៃទី១៩ ខែធ្នូ ឆ្នាំ២០១៧។
ការស្នើសុំផ្លាស់ប្តូរនេះ ត្រូវបានលោកមេធាវី ពន្យល់មូលហេតុថា៖ ពន្ធនាគារត្រពាំងថ្លុង នៅឆ្ងាយ ពិបាកធ្វើដំណើរ ត្រូវចំណាយពេលពី៣ទៅ៤ម៉ោង។ ជួលកាល ទៅដល់នៅម៉ោងធ្វើការ ប៉ុន្តែអាជ្ញាធរពន្ធនាគារ មិនអនុញ្ញាតឱ្យចូលជួបកូនក្តៅរបស់គាត់ នេះជាការលើកឡើងរបស់ លោក ហែម សុជាតិ។
ដោយឡែក ពន្ធនាធាគារនៅភ្នំពេញវិញ លោកមេធាវីនិយាយថា៖ នៅជិតផ្ទះលោក កឹម សុខា ផង និងនៅជិតផ្ទះរបស់ក្រុមមេធាវីការពារក្តីផង ងាយស្រួលសម្រាប់នីតិវិធីតុលាការ ម្យ៉ាងទៀតនៅទីនេះ សម្បូរគ្រូពេទ្យមានជំនាញ។
តុលាការធ្លាប់បានបដិសេធសំណើសុំផ្លាស់ប្តូរពន្ធនាធាគារម្តងរួចមកហើយ ទោះជាយ៉ាងណាក្រុមមេធាវីការពារនៅតែព្យាយាមស្នើសុំដដែល។
លោក កឹម សុខា ត្រូវបានអាជ្ញាធរក្រុងភ្នំពេញ ចាប់ខ្លួននៅថ្ងៃទី៣ ខែកញ្ញា ឆ្នាំ២០១៧ ដោយគ្មានដីការពីតុលាការ ក្រោយមកទៀត តុលាការចោទប្រកាន់លោក កឹម សុខា ថាក្បត់ជាតិ ផ្សំគំនិតជាមួយបរទេស។
