ភ្នំពេញៈ រន្ធត់ណាស់រថយន្តពីរគ្រឿងបុកគ្នា បណ្តាលឲ្យរថយន្តលុចស៊ី៤៧០ រងការខូចខាតខ្ទេចមួយចំហៀងខាងស្តាំទាំងស្រុង តែសំណាងមិនមានអ្នករងរបួសដល់អាយុកជីវិត។
ហេតុការណ៍នេះ បានកើតឡើងការពីវេលាម៉ោង៥ព្រឹកថ្ងៃទី១១ ខែធ្នូ ២០១៧ ស្ថិតនៅតាមបណ្តាយផ្លូវភ្នំពេញហាណូយ ក្នុងសង្កាត់ឃ្មូញ ខណ្ឌសែនសុខ រាជធានីភ្នំពេញ។
អ្នកឃើញហេតុការណ៍ បានប្រាប់ឲ្យដឹងថា មុនពេលកើតហេតុគាត់បានឃើញរថយន្តធុនធំមួយគ្រឿង ពណ៌ទឹកប៊ិច ពាក់ស្លាក់លេខភ្នំពេញ ៣A-0046 បានឈប់នៅនិងកន្លែងហេតុ មិនដឹងថា រថយន្តខូច ឬតៃកុងដេកទេ ហើយក៏អត់មានដាក់សញ្ញាអ្វីដែរ ស្រាប់តែមកដល់ម៉ោងកើតហេតខាងលើ ក៏មានរថយន្តឡិចស៊ីស470មួយគ្រឿង ពណ៌ស ពាក់ស្លាកលេខភ្នំពេញ2AL-8172 ធ្វើដំណើរពីលិចទៅកើតក្នុងល្បឿនយ៉ាងលឿន មកដល់ចំណុចផ្លូវកោងមិនបន្ថយល្បឿន និងខ្វះការប្រុងប្រយ័ត្នផងនោះ ក៏បានបុកគូទរថយន្តធុនធំពីចំហាងខាងឆ្វេង បណ្តាលឲ្យរថយន្តឡិចស៊ីស រងការខូចខាតស្ទើរតែទាំងស្រុង តែសំណាងល្អមិនអ្នករងរបួសអ្វីទេចំណែងម្ចាស់រថយន្តធំឃើញដូចនេះក៏បានគេចខ្លួនបាត់។
ក្រោយកើតហេតុសមត្ថកិច្ចបានចុះមកធ្វើការវាស់វែង រួចយករថយន្តទាំងពីរគ្រឿងយកទៅរក្សាទុកចរាចរណ៍ក្រុង ដើម្បីធ្វើការដោះស្រាយនៅពេលក្រោយ៕
