សិង្ហបុរីៈ សារព័ត៌មានសិល្បៈកម្សាន្ត Ifeng បានឲ្យដឹងថា តារាភាពយន្តហុងកុង ចូវ យ៉ុនហ្វាត (Chow Yun Fat) រហ្សសនាមថា អាចែ គឺនៅមានជីវិតនៅឡើយទេ បើទោះបីជាមានព័ត៌មាន ចចាមអារាមពេញបណ្តាញសង្គមចិន កាលពីថ្ងៃចន្ទថា តារាភាពយន្តរូបនេះ បានទទួលមរណភាពហើយក្តី ។
អ្នកស្រី Jasmine Tan ភរិយារបស់គាត់ បានប្រាប់ដល់ប្រព័ន្ធផ្សព្វផ្សាយហុងកុង កាលពីថ្ងៃអង្គារថា គាត់គឺ "មានសុខភាពល្អ ដែលអាចថាមានជីវិតនៅឡើយ" ។ សារព័ត៌មានប្រចាំថ្ងៃ Apple Daily របស់កោះតៃវ៉ាន់ បានរាយការណ៍ឲ្យដឹង ។
រូបភាពមួយបង្ហាញអំពីវេជ្ជបណ្ឌិតនៅលើបណ្តាញសង្គមចិន គឺគេហទំព័រ Weibo ដែលបានបង្ហាញព័ត៌មាន ដោយអ្នកអត្ថាធិប្បាយស្ត្រីម្នាក់ ពេលឡើងផ្សាយអំពីព័ត៌មាននេះថា "តារាភាពយន្ត ចូវ យ៉ុន ហ្វាត បានទទួលមរណភាព ដោយសារជំងឺ នៅក្នុងក្រុងហុងកុង កាលពីថ្ងៃម្សិលមិញ" ។
លោក ចូវ ត្រូវបានគេទទួលស្គាល់អំពីការសម្តែងរបស់គាត់ នៅក្នុងខ្សែភាពយន្តជាច្រើន ដែលមានដូចជា ទេវតាល្បែង និងរឿង ខ្លាក្រាប និងរឿងនាគលាក់ខ្លួនជាដើម៕
